“Камертон” хамтлагийн ахлагч, Төрийн соёрхолт дуучин Д.Болд төрийн дээд шагнал хүртсэнийхээ хүндэтгэлийн цайллагийг энэ сарын 15-нд хийхээр урлаг, соёлынхонд урилгаа тараагаад эхэлжээ. Өнгөрсөн оны арванхоёрдугаар сард түүнд Монгол Улсын Ерөнхийлөгч Ц.Элбэгдорж “Дэлхийд монголчууд уртын дууг, италичууд дуурийг бүтээсэн. Рок поп гэхээр гадаадын хөгжим гэж манайхан санадаг. Д.Болд бол үндэсний язгуур урлагийг рок попоор баяжуулж, Монгол өөрийн рок поптой боллоо. Шинэ урсгал гаргаж ирсэн Д.Болдод рок попынхноос анхны төрийн шагнал хүртээж байна” гэсэн үнэлгээг өгч байсан юм.Тэрбээр “Монгол поп” урсгалыг бий болгож, залууст түгээн сурталчилж байгаагаараа энэхүү “Төрийн соёрхолт” хэмээх эрхэм шагналын эзэн болсон. Тиймдээ ч Монгол поп урсгалаа хөгжүүлэхэд өөрийн хувь нэмрээ оруулан “Монгол поп 2” цомгоо өлгийдөн авахаар ажиллаж байгаа юм.
Г.Даша
