МУГЖ С.Жавхлан Өмнөговь аймгийн Гурвантэс сумын нутаг сүйдэж байгаа талаар дөнгөж сая мэдээлэл хийлээ. Тэрээр “Би Өмнөговь аймгийн Гурвантэс сумын тухай сонсоод “Нутгийг минь арилжихийг би тэвчихгүй. Нуурыг минь ширгээхийг би тэвчихгүй” хэмээн ихэд бухимдаж байна. Тэдэнд нутгийн иргэд уух усгүй, мал нь идэх өвсгүй болсон байна. Мөн нүүхгүй гэсэн айлыг тойруулж, газар ухаж, ухсан нүхэнд нь тэмээ, мал унаж үхэж байна.
Тиймээс бид “Эх орон” хөдөлгөөн байгуулж буйгаа албан ёсоор зарлаж байна. Энэхүү хөдөлгөөнд Монголоо гэсэн сэтгэлтэй хэн бүхэн нэгдэж болно. Өнөөгийн залууст та хэнд хайртай вэ гэх асуулт тавихаар би гэр бүлдээ, аавдаа, ээждээ, хүүхэдтэй хайртай гэдэг. Үнэндээ бид юун түрүүнд Эх орноо хайрлах хэрэгтэй. Өмнөговь аймгийн Гурвантэс сумын байдал бидний Үндэсний аюулгүй байдалд заналхийлж буй хамгийн наад захын жишээ. Түүнчлэн Өмнөговь аймгийн Гурвантэс сумын иргэд сонгууль өгөөгүй юм билээ” хэмээн ярьлаа.
