СГЗ Ш. Гүрбазар “Gangnam style” хийж үзэгчдийг гайхшрууллаа

Соёлын гавьяат зүтгэлтэн, сэтгүүлч, өгүүлэхүйн урлагийн мастер, яруу найрагч Ш.Гүрбазарын “Бодоход л инээдтэй шүү” нэртэй тоглолтоо  энэ сарын 16,17-нд хоёр өдөр амжилттай зохион байгуулжээ. Түүний тоглолтод өгүүлэхүйн урлагийн бүтээлүүд буюу улс төр, нийгмийн амьдралын элэглэлүүд хөврөж, үзэгчдийг баяр хөөрөөр дүүргэж байсан юм. Тоглолтын найруулагчаар Н.Наранбаатар, зураачаар “Тэнгэрийн хүү” бүтээлийн тайзыг урласан Ж.Ганхуяг нар ажилласан байна.

СГЗ Ш. Гүрбазар энэхүү тоглолтдоо урлагийн алтан тайзнаа уран үг, яруу найргийн онгодоороо үзэгчдээ омогшуулж, хүндэт зочиддоо Солонгосын алдарт Psy-ын “Gangnam style”-г дуурайж, залууст зориулан инээдэм бэлэглэжээ. Мөн үгийн урлагаар өнөөгийн нийгмийн өнгө аяс, болж буй үйл явдлыг өөрийн үзэл бодол, сэтгэхүйгээр дамжуулан үзэгчддээ хүргэсэн юм. Тоглолтын ерөнхий зохион байгуулагчаар “G intertaiment” ажиллаж, мэргэжлийн тайз гэрлийн баг хамтран ажиллажээ.

Gangnam style-ийг бүжиглэсэн нь.