Дэлхий даяар сая сая кино сонирхогчдыг байлдан дагуулсаар ирсэн алдарт Жеймс Бондын 23 дахь цуврал “Skyfall” нээлтээ хийсэн даруйдаа олон мянган кино сонирхогчдыг араасаа дагуулж "Box Оfficce"-ийн тэргүүн эгнээнд бичигдэх болсон. Харин Синхуа агентлагийн мэдээлснээр тус кино сүүлийн үед дэлхийн томоохон зах зээл бүхий Хятад улсад мөн хит болж байна. Учир нь өнгөрөгч долоо хоногийн ашиг орлогоороо “Skyfall” Хятад улсад тэргүүлсэн бөгөөд тус улсад хамгийн их үзэгчийг байлдан дагуулж байгаа бүтээлүүдийг ирэх долоо хоногт дахин зарлах гэнэ.
Эелдэг боловч харгис, ширүүн зантай 007-ийн адал явдлыг өгүүлсэн уг кино Их Британи Умард Ирландын Нэгдсэн Вант улсад өнгөрөгч оны аравдугаар сарын 26-нд нээлтээ хийсэн бол АНУ-д мөн оны арваннэгдүгээр сард нээлтээ хийсэн билээ.
www.URLAG.mn