Бяцхан үрсийн үнэрийг хорвоо дээрх хамгийн сайхан, байгалийн үнэр гэдэг. Гэхдээ үүнтэй санал нийлдэггүй нэг нь ч бий. Тэгвэл сүрчиг үйлдвэрлэгчид энэ “цоорхой”-г олж харжээ.
Дэлхийн алдартай загварын ордны нэг “Dolce & Gabbana” нярай хүүхдүүдэд зориулсан сүрчиг гаргахаар төлөвлөж байна. Цитрус, тарвас болон зөгийн балын үнэртэй нярайн сүрчиг нь арьсанд ямар ч сөрөг нөлөөгүй байх ба нярай хүүхдийн зөөлөн, цэвэр арьсыг хэвээр нь хадгалж чадна гэдгийг үйлдвэрлэгчид амлаж байна.
Нярайн сүрчиг нь unisex буюу эрэгтэй, эмэгтэй аль ч хүүхдэд тохирох бөгөөд алкохолын төрлийн бодис агуулаагүй, хүүхдийн арьсанд ямар ч сөрөг нөлөөгүй байх гэнэ. Энэ оны сүүлээр худалдаанд гарах нярайн сүрчиг 50 мл савлагаатай нь 28 фунтын үнэтэй юм байна.
“D&G”-гаас гадна хэд хэдэн загварын ордон нярайн сүрчиг гаргаад байна. Тухайлбал, Burberry Baby Touch алкохолгүй үнэртэй ус нь гишүүнэ, жүрж, бэрсүүт жүрж болон сүүний үнэртэй бөгөөд 28 фунтын үнэтэй. Харин Bulgari-гийн Petit et Mamans сүрчиг нь 20 фунтын үнэтэй бөгөөд Сицилийн жүрж, бергамот лийр болон сарнайн модны үнэртэй ажээ.
