“Зүрхэнд гэрэлтэх од” болон “Ээжийн дайсан” хэмээх хоёр ч кинонд гол дүр бүтээж амжсан “Universe best songs 2009” тэмцээний Гранпри шагналт дуучин Ч.Цэлмүүн өнгөрсөн 8 сард ёслол төгөлдөр хуримаа хийсэн билээ. Харин саяхныг хүртэл хятад хүнтэй суусан гэх яриа гарч байсан ч хосууд энэ тухай эрс үгүйсгэсэн бөгөөд Ч.Цэлмүүн хөл хүндтэй болсноо дуулгаад байсан юм. Тэгвэл өчигдөр буюу 2-р сарын 20-ны өдөр “Гурван гал” эмнэлэгт дуучин Цэлмүүн нярайлж, хүүтэй болсон байна. Одоогоор эх, хүүхдийн биеийн байдал сайн байгаа гэнэ. Дуучин Ч.Цэлмүүнд баяр хүргээд гэр бүлд нь аз жаргал хамгийн сайн сайхан бүхнийг хүсэн ерөөе.
www.URLAG.mn
