Монгол түмний цэнгэлийн их эгшиг хэмээгддэг ардын язгуур урлагийн нэрийг дэлхийн олон улс орнуудаар олонтаа дуурсгаж яваа "Домог" хамтлагийн морин хуурч МУСТА "Д.Шинэцог-Гени" авъяас билгээрээ амьдруулсан яруу тансаг хуурын аялгуунуудаас бүрдсэн "Өнө мөнхлэй" хэмээх шинэ цомгоо өлгийдөн авжээ.
Төгөлдөр хуурч, хөгжмийн зохиолч Б.Чинбат, Төрийн соёрхолт Б.Мөнхболд, Хөгжмийн найруулагч Б.Алтанхуяг, Д.Мөнхзаяа нарын бүтээлүүдээс бүрдсэн тус цомгийнхоо нээлтийн хэвлэлийн бага хуралыг өнөөдөр 11:00 цагаас Чойномын нэрэмжит "Од" театрын тайзнаа хийх гэж байна. Цомгийн нээлтэнд морин хуурч МУСТА "Д.Шинэцог-Гени" цомгийнхоо дэлгэрэнгүй танилцуулгыг хүргэхээс гадна Төрийн шагналт хөгжмийн зохиолч Б.Мөнхболд, Төгөлдөр хуурч, хөгжмийн зохиолч Б.Чинбат, Домог хамтлагийн ахлагч, морин хуурч Б.Баторших, Анир студийн захирал Б.Алтанхуяг нар оролцох юм.
Дашрамд дуулгахад морин хуурч МУСТА "Д.Шинэцог-Гени" Төрийн шагналт хөгжмийн зохиолч Б.Мөнхболдын "Галдан бошгот" синфони сюитийн хэсгээс "Ану хатан" аялгууг болон Төгөлдөр хуурч, хөгжмийн зохиолч Б.Чинбатын "Аравт" түүхэн уран сайхны киноны "Хөхтөмөр Өнөмөнхлэй" хэмээх аялгуунуудаа клипжүүлсэнээ дэлхийн өнцөг булан бүрт суугаа үнэнч фенүүддээ болон монгол түмэндээ толилуулсан бөгөөд тун удахгүй Төрийн шагналт, Урлагийн гавъяат зүтгэлтэн Б.Шарав, Төрийн шагналт З.Хангал, Төрийн шагналт хөгжмийн зохиолч Б.Мөнхболд, Төгөлдөр хуурч, хөгжмийн зохиолч Б.Чинбат нарын монголын сор болсон хөгжмийн зохиолчдын морин хуур хөгжимд зориулан бүтээсэн гайхалтай аяалгуунуудаас бүрдсэн тоглолтоо хийхээр төлөвлөж байгаа гэнэ.
Ингээд та бүхэндээ "Өнөмөнхлэй" хэмээх шинэ цомгийн бүтээлүүдээс толилуулж байна
Таныг урлагийн тэнгэр ивээг…
www.URLAG.mn
