“Маск” продакшны жүжигчин А.Гэрэлцэцэг хэдийгээр хошин урлагийн тайзаа орхиж, “Маск”-тай ах нараасаа холдсон ч тэрбээр “Их хотын үдэш” нэвтрүүлгээр өөрийгөө таниулж чадсан. Харин саяхнаас хошин урлагийн тайзнаа дахин харагдах болсон жүжигчин бүсгүйд хамт олон нь төрсөн өдрөөр нь “Golden Park” хотхонд иж бүрэн тавилгатай нэг өрөө байр бэлгэлсэн нь “Маск” продакшны хамт олон түүнийг мартаагүй гэдгийн илэрхийлэл болсон билээ. Түүний амьдрал уран бүтээл нь гал шиг цогтой байгаа. Монголын тайз, дэлгэцийн сайхан бүсгүйчүүдийн нэг болох А.Гэрэлцэцэг ирж буй улирал, асах мэт дулаахан мэдрэмжийг төрүүлэх нарны өнгө мэт шинэ дүр төрхийг илтгэн “UPTOWN” сэтгүүлийн шинэ дугаарыг чимжээ. Түүнчлэн сэтгэлийн дотно яриа өрнүүлэн “Эмэгтэй хүн муухай байх эрхгүй, муухай байх зохьдог ч үгүй” болохыг хүүрнэжээ.
www.URLAG.mn
