Хятадын эрх баригчид Германы “Kraftwerk” хамтлагийн эсрэг хориг тавьсан учраас тус хамтлагийнхан Бээжин хотноо болох “Strawberry” хэмээх хөгжмийн фестивалд оролцох боломжгүй болжээ.Дюссельдорф хотын цахилгаан поп хөгжмийн анхдагч хэмээгддэг “Kraftwerk” хамтлагийнхан тус наадамд оролцох зөвшөөрөл хүссэн ч Хятадын Соёлын яам татгалзжээ. Учир нь “Kraftwerk”-ийн залуус өмнө нь Түвдийг хамгаалах уриатай тоглолтын оролцогчдын жагсаалтад багтсан байжээ. Тэд 1998 онд Вашингтонд болсон “Эрх чөлөөтэй Түвд” хэмээх наадамд оролцохоор төлөвлөж байсан ч цаг агаарын байдлаас шалтгаалж, оролцоогүй гэнэ. “Strawberry” хөгжмийн наадмыг зохион байгуулагчдын зүгээс “Kraftwerk”-ийн залуус бүхий л бэлтгэлдээ хангаж, бэлэн болсон байсан. Харамсалтай нь зөвшөөрөл олгосонгүй” гэсэн тайлбар хийжээ. Сүүлийн үед өөрт нь шүүмжлэлтэй хандсан хөгжимчдийн тоглолтыг Бээжин хааж байгааг “Spiegel” сэтгүүл онцолжээ.
www.URLAG.mn
