Дуучин ноён Бондгор өнгөрсөн сарын 24-нд “Тэгш нийгэм” ТББ-тай хамтран “Мобиком” корпораци hitone үйлчилгээгээр хамтлаг дуучдын уран бүтээлийг иргэдэд зөвшөөрөлгүй зарж хохироож байгааг эсэргүүцэж “Мобиком”-ын гадаа жагсаал зохион байгуулсан билээ. Ноён Бондгор уг асуудлаар “Мобиком” корпорацид шаардлага хүргүүлсэн ч хүсэлтийг нь хүлээж аваагүй байна. Гавьяат жүжигчин С.Жавхлан хэдэн жилийн өмнө үүрэн телефоны операторууд, тэр тусмаа “Мобиком” корпорациас багагүй хэмжээний мөнгө нэхэмжилсэн ч тусыг эс олсон. Дуучдын эрхийг зөрчсөн энэхүү үйлдлийг С.Жавхлан тэргүүтэй олон уран бүтээлч нэгдэж гарын үсэг зуржээ .Мөн тэднийг жагсдаг өдөр Чингэлтэй дүүргийн цагдаа нар очиж тэмцлийг хүчээр зогсоосон бөгөөд дахин “Мобиком” корпорацийн эсрэг жагсаал цуглаан хийхгүй байхыг шаарджээ. Гэвч тэд тэмцлээ зогсоохыг хүсэхгүй байгаа бөгөөд хэд хоногоос дахин үргэлжлүүлэхээр болсон байна. Тэмцэх тэмцэхдээ Ноён Бондгор “Мобиком”-ын үүдэнд гэр барьж суух бөгөөд “Мобиком” корпорацаас түүнд илгээсэн мессежийг олон нийтэд зарлана гэлээ.
www.URLAG.mn
