Жүжигчин, дуу оруулагч Н.Ялалт буюу Агааг танихгүй хүн байхгүй болов уу? Бараг л гарч байгаа бүх кинонд тоглох болсон жүжигчин маань энэ удаа анхны эхнэр хүүхэд дээрээ эргэн очиж байгаа бололтой. Түүний анхны эхнэр нь “Маск” продакшны жүжигчин Ш.Жавхлан хэмээх хөөрхөн нүд, эгдүйтэй инээдээрээ үзэгчдийн танил болсон бүсгүй. Тэд оюутан ахуй цагаасаа амьдралаа холбосон бөгөөд хөөрхөн хүүгийн эцэг, эх болцгоосон ч төдийлөн удаан хамт амьдраагүй гэдэг. Анхны эхнэрээсээ салмагцаа хоёр дахь амьдралаа эхлүүлж, дахин гал голомтоо бадраасан Н.Ялалтын удаах эхнэр нь мөн л хөөрхөн хүү төрүүлж өгсөн. Гэвч тэд бас л салцгаасан. Харин хэдэн жилийн өмнө “Үнсэлт” хэмээх эротик кинонд хамтран тоглосон Жэнни гэх бүсгүйтэйгээ нэлээд хугацаанд хамтран амьдарсан. Гэвч Жэнни нь тийм ч сайн гэргий байж чадаагүй бөгөөд олон эртэй нэр холбогдож, нөхрийнхөө чихнээс “хонх” уяж, багагүй зовоосон гэдэг. Тиймээс өнгөрсөн жил тэрбээр эхнэрээсээ салжээ. Гэтэл саяханаас түүнийг анхны эхнэр, том хүүгийнхээ ээж Ш.Жавхлантай эргэн нийлж байгаа гэх яриа гарах болсон. Энэ яриа тийм ч оргүй яриа биш бололтой. Учир нь өчигдөр болсон “Х-Түц” продакшны “Сэрүүн хасын нууц” жүжгийн нээлтэнд тэрээр экс гэргий Ш.Жавхлангаа хүүгийнхээ хамт урьжээ. Жүжигчин Ш.Жавхлангийн хувьд олны хэл амнаас бага зэрэг эмээсэн үү гэлтэй болгоомжлонгуй харагдаж байсан ч, жүжгийн төгсгөлд хүүтэйгээ хамт нөхөртөө баяр хүргэж байлаа.
Эх сурвалж unen.mn
