Найман зууны тэртээх манай өвөг дээдсийн сүр хүч, Монголчууд бидний хийморь бахдалыг түүхийн хуудаснаас амилуулж, өнөө цагаас эхлэн энэ ертөнц дээр амьдран буй хүн төрөлхтөний үеийн үед дамжин үлдэх бодит бүтээн байгуулалт болсон "Түмэн хишигтэн" төсөл хэдийнэ эхэлсэн билээ.
Ирэх сараас эхлэн бүтээн байгуулалтын ажил нь хийгдэх "Түмэн хишигтэн" төсөлд зориулан “Аравт” хэмээх түүхэн киноны хөгжмийг бичиж түүнийгээ цомог болгон дэлхий даяар танилцуулж тус цомгоороо нэрлэсэн “Эзлэн” хэмээх тоглолтоо Монголын ард түмэндээ гайхалтайгаар хүргэсэн хөгжмийн зохиолч, төгөлдөр хуурч МУСТА Б.Чинбат хөгжмийн бүтээл туурвиж байгаа аж.
Түүнчлэн уг бүтээлээ туурвиж буй талаараа өөрийн “facebook” хуудаснаа “Аугаа их ухаанаар дэлхийг дайтаж эзэлсэн Эзэн хааны “Түмэн хишигтэн” болоод түүний үнэнч баатруудад зориулсан хөгжмөө зохиож байна. Их түүхийг уншиж, судлаж, ухаарах тусам улам их хүсэл сэтгэл минь оргилж, хөгжмийн маань ая аялгуунууд аяндаа урсан гарсаар байна” хэмээн бичжээ.
Сонирхуулахад түүний "Түмэн хишигтэн" төсөлд зориулан зохиож буй шинэ хөгжмийг 60 гаруй хүний бүрэлдэхүүнтэй “Үндэсний их найрал” хөгжимчид тоглож амьдруулах бөгөөд тун удахгүй монголын ард түмний сонорт хүрэх ажээ.
Ингээд та бүхэндээ "Түмэн хишигтэн" төслийн танилцуулга видеог хүргэж байна.
Таныг урлагийн тэнгэр ивээг…
www.URLAG.mn
