Фэйсбүүкийн ертөнц улам л зарлал шинж рүү ойртож, зарим алдартай хүмүүсийн нэр төрийг хүссэнээрээ ашиглах болсныг нэгэн ойрхны жишээ харууллаа. Жүжигжинч Д.Ганцэцэгийн нэрээр нэгэн этгээд хаяг нээж, улмаар 3000 гаруй найз нөхөд цуглуулаад амжжээ. Жүжигчин бүсгүйтэй фэйсбүүкт нөхөрлөх болсондоо олон хүн баярлаж буйгаа илэрхийлэн, уран бүтээлийн амжил хүсэн сэтгэгдэл үлдээжээ. Гэвч үнэндээ Ганцэцэг Доржготов хэмээх хаягийг жүжигчин бүсгүй өөрөө нээгээгүй, машинаа зарахыг хүссэн нэгэн нээсэн бололтой. Учир нь жүжигчин бүсгүй тус хаягаар өөрийнхөө албан ёсны хаягаар орж, "Уучлаарай , энэ би биш шүү. Энэ хаягаа устга даа" хэмээн нэр, зургийг нь ашиглагч руу хандан бичсэн байх юм. Ингээд өөрийг нь гэж эндүүрсэн олонд хандан "Миний жинхэнэ хаяг энэ шүү" хэмээн фэйсбүүк хуудсынхаа хаягийг бичин үлдээжээ.
Ийнхүү жүжигчин бүсгүйн бишрэн шүтэгч юмуу эсвэл түүний нэр хүндээр машинаа үнэтэйхэн зарчих санаатай нэгний үйлдэл илэрч, тэрээр "жинхэнэ" Ганцэцэгтэй фэйсбүүкт нүүр тулаад байна.
Эх сурвалж: new.mn
