Монголд анх удаа балетын урлаг хэрхэн хөгжиж байгааг харуулсан дэлгэцийн бүтээл хийхээр болжээ. Монголын балетчид гадаадад хэр нэр хүндтэйг харуулах уг киноны гол дүрийг “Бостон балет” компанийн гоцлол бүжигчин, гавьяат жүжигчин Д.Алтанхуяг бүтээх юм. Уг киног “Ану хатан”-ы найруулагч Т.Алтантуяа, В.Агар нар найруулан Д.Ангараг зураглаачаар ажиллах нь ээ. Одоогоор киноны зохиол хараахан бэлэн болоогүй байгаа ч тун удахгүй дуусах аж. Монголд сонгодог урлаг болон балетын бүжигчдийн дотоод ертөнц, амьдралыг харуулсан кино байдаггүй учраас кино багийнхан энэ сэдвийг онцлон авсан гэдгээ дуулгасан. Мөн тэд балетын гайхамшигт элементийг харуулах график, найруулагч, жүжигчид, зураглаачийн түвшинд ахиц гаргасан бүтээл хийхийг эртнээс хүссэн гэнэ. Тиймээс Гавьяат жүжигчин Д.Алтанхуягийг гол дүрээрээ сонгон түүнд санал тавьжээ. Алтанхуяг уг саналыг нь дуртай хүлээж авчээ. Гэхдээ одоогоор түүний хамтрагчийг хараахан сонгоогүй байгаа гэсэн шүү. Уг киноны зураг авалтыг ирэх намраас эхлүүлэх ба энэ кинонд зориулж, ирэх намар балетын томоохон тоглолт тавихаар төлөвлөжээ.
www.URLAG.mn
