Өөрийн гэсэн хэвлэл мэдээллийн хэрэгсэлтэй нийтийн дуучин гэвэл МУГЖ Т.Баясгаланг нэрлэж болно. 20 гаруй компанид хувь эзэмшдэг Монголын тэргүүн баячуудын нэг Д.Батбаярын эхнэр Т.Баясгалан өөрөө бизнесийн багагүй гүйлгээ ухаантай нэгэн бөгөөд төрж байхдаа л гаалиар орж ирэх контейнертай ачаагаа зохицуулаад байж байсан хэмээн эмнэлгийнхэн шивэр авир гэлцдэг юм билээ. Харин тэрээр “Эх орон” телевизийг зарагдсаны дараа хэвлэл мэдээллийн өөрийн гэсэн эрх мэдэлтэй байх шийдвэртээ үнэнчээр үлдэж “Соронз” сэтгүүлд хөрөнгө оруулж, “Соён гэгээрүүлэгч” сувгийг дэмжин, “Жигүүр Гранд” группын дэргэдэх “Эко” телевизэд мөн хамтарсан удаатай.
Харин энэ удаа түүний оролцоотой телевизийн тоо нэгээр нэмэгдэж, “Одон” телевизийн Монгол дахь салбар хэмээн саяхнаас цацагдаж эхлээд буй телевизэд мөн л хөрөнгө оруулагч нь болж суужээ. Харин тус телевизийн гүйцэтгэх захирлаар Монголын үндэсний олон нийтийн телевизийн Нийгэм, эдийн засгийн редакцийн “Хар цагаан” нэвтрүүлгээрээ үзэгчдийн танил болсон Го Пи Мин Бадарч ажиллаж байгаа юм байна. Ямартай ч тус телевизийн эфирээр Т.Баясгалан авхайн клип, киноконцерт залхтал гарч байгаа тухай үзсэн нэгэн нь ам дамжин ярьж, харин мэддэг нэгэн нь Т.Баясгалангийн ээлжит телевиз хэмээцгээж байна. Т.Баясгалан авхайд хэвлэл мэдээллийн хэрэгсэл их л чухал байгаа бололтой.
Эх сурвалж www.wikimon.mn
