Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
Урлаг.мн»Сонсох»Б.Отгонтүвдэнгийн “Төвөргөөн чимээ” үзэсгэлэн нээлтээ хийнэ
Сонсох

Б.Отгонтүвдэнгийн “Төвөргөөн чимээ” үзэсгэлэн нээлтээ хийнэ

Урлаг Урлаг13/08/2013Сэтгэгдэл байхгүй4 минут уншина
Facebook Twitter LinkedIn Имэйл Telegram WhatsApp
1_tulam_bulalldaan_2._400x200_zoton_tos5197174812013-08-13-11-54[www.urlag.mn].JPG
Share
Facebook Twitter LinkedIn Pinterest Имэйл

  976 галерей наймдугаар сарын 15-наас есдүгээр сарын 5-ны хооронд И.Е.Репиний нэрэмжит Улсын уран зураг, уран баримал, уран барилгын академийн анхны монгол багш, зураач Бадамын Отгонтүвдэнгийн "Төвөргөөн чимээ" үзэсгэлэнг зохион байгуулах гэж байна.

Орост төдийгүй олон улсын тавцанд нэр хүндтэй тус академийг төрийн шагналт, ардын зураач Л.Гаваа, төрийн шагналт До.Болд, урлагийн гавьяат зүтгэлэн Я.Оюунчимэг нарын Монголын 60 уран бүтээлч төгссөн байдаг. Тэгвэл Б.Отгонтүвдэн тэднийг залгамжлан суралцаж, өнгөрсөн жил академийг дүүргэсэн бөгөөд сургуулиасаа багшлах урилга хүлээн авсан нь бахархууштай. Түүний тухай И.Е.Репиний академийн профессор, ОХУ-ын ардын зураач Владимир Симонович Песиков "Би түүнтэй Петербургт сурахаар ирэхэд нь танилцсан юм. Ажлуудаас нь авъяас, эрч хүч харагдсаны дээр тун ч нээлттэй зантай байсан учраас надад шууд л таалагдсан. Тиймээс тэр залууг урландаа авахад маш идэвхтэй ажиллаж эхэлснээр аажим аажмаар уран бүтээлийн хувьд өсөж, бүтээлүүд нь сонирхолтой болсоор байв. Тэрбээр уран бүтээлдээ өөрийн эх нутаг, гарал үндэсийг голчилдог нь их чухал. Дипломны ажлаар зурсан бүтээлүүд нь манай сургуульд сүүлийн жилүүдэд гараагүй амжилтыг олсныг онцолмоор байна. Бүтээл нь хөрөг, пейзаж, этюд, натюрморт гээд өргөн цар хүрээтэй. Түүнийг миний урланд суралцаж, төгссөнд би тун ч баярлаж, бахархдаг. Цаашид ч Монголдоо төдийгүй дэлхийн тавцанд нэр хүндтэй, гарамгай уран бүтээлч болно гэдэгт нь итгэдэг" гэж ярьсан юм.

Үзэсгэлэнд түүний 30 гаруй бүтээлийг дэлгэхээс хамгийн том нь төгсөлтийн ажлын хоёр зураг. Казах түмний үндэсний наадгай "көк пар"  буюу тулам булаалдах тоглоомыг дүрсэлсэн уг ажил И.Е.Репиний академийн шилдэг төгсөлтийн ажлаар шалгарсан юм. Б.Отгонтүвдэн 2х4 метрийн асар том хэмжээтэй тэдгээр бүтээлээ  эх орондоо анх удаа дэлгэх гэж буй нь энэ. Тэрбээр энэхүү бүтээлийнхээ тухай "Монголд амралтаараа ирэхдээ хөдөөгүүр явж судалбар, таталбар хийж, ахуйтай ч танилцаж явдаг. Тэр дундаас санаагаа олж, багш нар ч дэмжсэн. Ажлаа эхлэхийн тулд нэн түрүүнд бетно буюу хүнд өнгөний тоглолтоо олох нь чухал. Өөрөөр хэлбэл тухайн хавтгай дээр хүнд, бараан өнгөнүүд хэрхэн сүлэлдэн орших вэ гэдгийг олж чадвал зургийн тал хэсэг бэлэн боллоо гэсэн үг. Энэ сүлэлдээнийг төрөл бүрээр туршиж, үзэж, хайна. Үүний дараа баатрууд, хөдөлгөөн, нүүрний хувирал дээр ажиллаж эхэлнэ дээ. Дипломын ажлын гурван зургийн зохиомж, сэдэв нь адилхан ч дүрүүд, үйл явдал тохиож буй газрын хувьд өөр, өөр. Эхнийх нь XIII зууны үеийн баатруудын тулам булаалдан наадаж буйг дүрсэлсэн бол хоёр дахь нь хувьсгалын үед шилийн сайн эрчүүдийг харуулсан. Харин гурав дахь зургийн баатрууд нь наадгайн эзэн болох казах түмэн юм. Эхний зургийг академи фондондоо авсан бол шилдгээр шалгарсан дипломын ажлын нөгөө хоёр зургийг энэ зун эх орондоо авчирч үзэгчдэд дэлгэхээр болсон" хэмээн хэллээ.

Та бүхэн үзэсгэлэнгийн нээлтэд хүрэлцэн ирж, И.Е.Репиний академийн төгсөлтийг шилдэг бүтээлтэй танилцан, уран бүтээлчтэй нь уулзаж, ярилцлага авах боломжтой.
                                                                                      
99051127, 99819000, 99750959
                                                                                                [email protected]                                                                                                                                              
976 галерей, MaxMall төвийн тавдугаар давхар

www.URLAG.mn

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Дотоод мэдээ Урлаг

“Музейн нээлттэй өдрүүд” ирэх долоо хоногт болно

27/02/2024
Сонсох Урлаг

“Алтан намар-2019” судалбар зургийн үзэсгэлэн Монгол арт галерейд дэлгэгдэнэ

18/10/2019
Сонсох Урлаг

“ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэн нээлтээ хийлээ

02/09/2019

Сэтгэгдэл хаалттай

Сүүлд нэмэгдсэн

“Stray kids” хамтлаг “DominATE” нэртэй дэлхийг тойрсон аялан тоглолтоо өндөрлөлөө

30/07/2025

Пак Бо Гумыг БНСУ-ын аялал, жуулчлалын элчээр томилжээ

30/07/2025

Анх удаа дуурь, балет үзэх гэж буй хүмүүст зориулж 8-9 дүгээр сар хүртэл бүх тоглолтын тасалбар 50 хувь хямдарна

30/07/2025

Алдарт найруулагч Кристофер Ноланы шилдэг 12 бүтээл

30/07/2025

Дуучин Т.Ариунаа “Зүрх асна” супер шоу тоглолтоо наймдугаар сарын 23-нд Төв цэнгэлдэх хүрээлэнд хийнэ

30/07/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.