Орчин цагт олноороо хошуурч, хэн хүнгүй шохоорхон хийлгэх болсон хиймэл хөх ба түүнтэй холбоотой дэлхийн өнцөг булан дахь хачирхалтай явдлуудаас толилуулж байна.
Могой ба Хиймэл хөх
Ойрхи Дорнодын хамгийн том хөхтэй загвар өмсөгч гэгддэг Израйлийн модел Орит Фокс 2011 онд Израйлийн радио шоунд оролцох үеэрээ могойтой наадсан нь энэ бөгөөд түүний эл явдлыг хажуугаар нь санамсаргүй өнгөрч явсан Испаний “Telecinco” телевизийнхэн дүрс бичлэгийн хальснаа буулгажээ. Тачаангуй загвар өмсөгч Орит могойг илэн таалж ихэд таатай байсан боловч гэнэтийн хачирхалтай явдал тохиосон нь – Могой гэнэтхэн түрэмгий аашилж Оритийн зүүн хөхийг хазаад авсан байна. Азаар Оритийн хөхөнд ноцтой гэмтэл учраагүй ч түрэмгий аашилсан могой түүний хиймэл хөхөн дэх бодисонд согтож нас баржээ. Гэвч зарим эх сурвалжуудад бичсэнээр могой хордож нас барсан гэнэ.
Сонгууль ба Хонжворт сугалаа
Венесуэлийн улс төрч Густаво Рохас 2010 оны “National Assembly”-ийн сонгуульд нэр дэвшиж байхдаа сонгуулийн компанит ажлаа явуулах хангалттай мөнгөгүй байсан тул арга буюу хиймэл хөхний “силикон” суулгацаар бизнес хийжээ. Венесуэл бол дэлхийд танигдсан олон гоо бүсгүйчүүдээрээ алдартай орон бөгөөд тэдгээрийн олонх нь хөхөө томруулсан байдаг гэнэ.
Тэрээр “Хонжворт сугалаа” зарлаж сугалааныхаа хонжворт “силикон суулгац”-ыг өгөхөөр амласан нь олныг багагүй шуугиулж байжээ. Венесуэл бүсгүйчүүдийн хувьд хөх томруулах мэс ажилбар хийлгэхийн тулд нилээд хэмжээний өр тавьдаг байсан нь Рохаст сайхан боломж болсон нь энэ юм байна. Үүнийг дагаад хэвлэлээр сайн муу олон ч мэдээлэл гарах болсон ч Рохасын хэлснээр “Хонжворт сугалаа бол зүгээр л мөнгөө өсгөх санхүүгийн нэг механизм шүү дээ” гэсэн байна.
Чандар ба Хиймэл хөх
Харин энэ явдал 2001 онд гарсан бөгөөд тухайн үед 26 настай байсан Австралийн иргэн Сэнди Сэнескогийн нөхөр авто ослоор хорвоог орхижээ. Бэлэвсэн хоцорсон тэрээр нөхрийнхөө чандрыг хиймэл хөхтэйгөө хамтатган цээжиндээ “хийлгэсэн” бөгөөд түүнтэйгээ үргэлж хамт байх болно гэсэн байна.
Шивээс ба Силикон суулгац
Урьд өмнө хийгдэж байгаагүй хамгийн хачирхалтай мэс ажилбар, шивээсээр нэрлэгдэж байсан энэхүү жигтэй явдал 2007 оноос онлайн сенсаци дэгдээжээ. Шивээсэнд нугасгүй Лэйн Жэнсен гэх залуу энэхүү хачирхалтай ажилбарыг шилбэндээ хийлгэсэн ба шилбэн дээрх том хөхтэй хүүхнийхээ шивээсэнд силикон хөх суулгуулсан нь энэ юм. Лэйн нь Канадад амьдардаг ба шивээс, боди артын тухай сэтгүүл эрхэлдэг уран бүтээлч бөгөөд ажилбарыг “Pure Body Arts” салонд хийлгэжээ. Энэ нь ердөө 45 мин үргэлжилсэн байна.
Хиймэл хөхнийхөө тусламжтай “амьд” гарсан нь…
Лос Анжелесийн нэгэн шүдний эмнэлэгт 2010 онд зэвсэгт халдлага гарчээ. Халдлагын үеэр гэмт этгээд эхнэрээ буудаж хөнөөгөөд зогсохгүй эхнэртэйгээ хамт ажилладаг Лидия Карранзагийн зүрхэн тус газар нь буудсан байна. Азаар Лидия хиймэл хөхнийхөө тусламжтайгаар амьд гарсан бөгөөд “The Beverley Hills” гоо сайхны эмнэлгийн эмчийн хэлснээр галт сум түүний зүрхнээс ердөө 1 мм зайд нэвтэрсэн байжээ. Тэрээр маш азтай нэгэн төдийгүй “силикон хөх” хийлгээгүй байсан бол өнөөдөр амьд үлдэхгүй байсныгг Др. Ашкан Гавами онцолсон байсан юм. Мэргэжилтнүүдийн үзэж байгаагаар хиймэл хөх нь сумны хурдыг сааруулсан байж болох ч ингэлээ гээд галт сумнаас амьд гарахын тулд хиймэл хөх хийлгээрэй гэж ч бас хэлж чадахгүй гэжээ.
Авто осол ба Аврах дэр
Энэ явдал 2006 онд Болгарт болжээ. Тухайн үед 24 настай байсан Елена Маринова автын осолд орж улмаар хиймэл хөхнийхөө тусламжтайгаар амьд гарчээ. Аврах дэрний үүргийг гүйцэтгэсэн түүний хиймэл хөх “40 DD” хэмжээтэй байсан бөгөөд ослын дараа эзнийхээ амийг авраад хий нь гарч шалчийсан байна. Шинжээчийн дүгнэснээр силикон хөх нь түүний хавирга хугарах болон аминд халтай эд эрхтний гэмтлээс найдвартай хамгаалсан байна.
Нислэгийн үеэр “хиймэл хөх” нь хагарчээ.
ОХУ-ын “Правда” сонинд нийтлэгдсэн энэ мэдээлэл 2009 оных юм. Тухайн үед 45 настай байсан Ирена Москвагаас Лос Анжелес руу нислэг үйлдэж байсан ба хиймэл хөхтэйгээ холбоотой эмчилгээнд хамрагдах гэж байжээ. Харамсалтай нь хүрэх газартаа хараахан очоогүй байхад нь хиймэл хөх нь “дэлбэрч” ноцтой асуудал гарсан байна. Онгоц газардаж Иренад яаралтай тусламж үзүүлснээр байдал дээрдсэн ч дахиж хиймэл хөх хийлгэх нь эрүүл мэндэд нь ноцтой хүндрэл учруулахыг анхааруулсан байна.
Сүйдлэгч “хиймэл” хөх
“Авъяаслаг Америкчууд – 2008” шоуны сонирхолтой оролцогчдын нэг түүнийг Басти Харт (Busty Heart) гэдэг бөгөөд жинхэнэ нэр нь Сьюзан Сайкс юм. Тэрээр энэ жил 52 настай ба 9 кг орчим хиймэл хөхөөрөө “бяд”-ыг ч нэг үзүүлэх шиг болдог байна. Магад түүний эл “хиймэл хөх” нь дэлхийн хамгийн хүчирхэг хөхөөр нэрлэгдэхийг ч үгүйсгэх аргагүй юм. Басти Японд цөөнгүй шүтэн бишрэгчтэй болсон ба 1980-аад оноос “карате”-гаар хичээллэж эхэлсэн гайхалтай чадвараараа шагшигддаг нэгэн аж. Түүнчлэн тэрээр "The Dictator" (2012) кинонд Этрагийн дүрийг бүтээсэн билээ.
Төлбөрийн нэхэмжлэл ба Залилагчид
Германы нэгэн гоо сайхны эмнэлгийн эмч Майкл Көнигөөр үйлчлүүлсэн бүсгүйчүүд хийлгэсэн гоо сайхны мэс ажилбарынхаа төлбөрийг төлөхгүй худал хэлж “ор мөргүй зугтах” явдал 2006 онд нилээд түгээмэл байжээ. Арга ядахдаа тэрээр үйлчлүүлээд төлбөрөө барагдуулаагүй бүсгүйчүүдийн хөхний зургийг нийтэд дэлгэх болсон ба үүнийгээ “Эрэн сурвалжилж байна!” гарчгийн доор нийтэлдэг болжээ. “Bild” сонинд өгсөн ярилцлагадаа Майкл нэг жишээг дурьдсан ба Таня гэх худал нэрээр бүртгүүлж хиймэл хөх хийлгэсэн эмэгтэй $8000 ам.долларынхаа хөлсийг өгөлгүй зугтсан гэнэ. Ингэхдээ тэрээр бүгчимдээд байна, жаахан агаар амьсгалчихаад ирье гэж хэлээд зугтаад өгчээ.
Итгэл ба Хиймэл хөх
Техасаас гаралтай Триста Жой Лэтерн гэх эмэгтэй найз нөхөд болон гэр бүлийнхэндээ өөрийгөө хөхний хорт хавдартай хэмээн худал хэлж санхүүгийн тусламж хүсчээ. Түүнийг хорт хавдартай хэмээн итгэсэн ойр дотны 20 гаруй хүмүүс мөнгөө цуглуулж хорт хавдрын эмчилгээнд нь $10.000 ам.доллар хандивласан байна.
Тухайн үед 24 настай байсан Тристад амьдрах итгэл бэлэглэхийг хүссэн хайртай хүмүүсийнхээ итгэлийг алдсан тэрээр энэ мөнгөөр хиймэл хөх хийлгэх гэж байжээ. Учир нь Триста нөхрөөсөө салахдаа тулаад байсан ба гэрлэлтээ хадгалж үлдэхийн тулд ийнхүү хиймэл хөх хийлгэхээр худал хэлсэн нь энэ аж. Гэвч хэрэг хэзээ ч хуучирдаггүй болохоор түүний эл худал үйлдэл илчлэгдэж нөхрөөсөө ч салж, залилангийн хэргээр баривчлагдсан ба удалгүй батлан даалтад гарсан сурагтай.
Мэдээний эх сурвалж: PlaySkull.mn
