Хошин урлагийн Шинэ Үе продакшний жүжигчин Г.Ундармаа бол хамтлагийнхаа ээж л гэсэн үг. Харин гавьяат жүжигчин Бооёо буюу Ариунболд аав нь гэж ярих олонтаа.
Гэтэл сүүлийн үед Ундармаа ааш зангаа хувирган Боёогоосоо уйдаж байгаагаа хальт цухалзаад авав. Уйдсан гэдгийг нь харин хошиноор тайлбарлавал Ундармаа ганцаараа бие даан “ “Single ladies” романтик, инээдмийн киног продюсерлож, бүүр гол дүрд нь тоглосон билээ. Мэдээж олон жил хамт уран бүтээл туурвисан тэрээр энэ хугацаанд гэхдээ Боёогоо санасан гэнэ шүү. Тэрээр киноны нээлтийн ажиллагааны үеэр ярихдаа “Бооёотойгоо хамтарч уран бүтээл хийсээр байгаад бүүр дасчихжээ. Энэ удаа бие дааж уран бүтээл хийсэн чинь яг л нөхөргүй ганц бие эмэгтэй шүү ганцаардсан шүү” гэсэн юм.
ЭХ сурвалж: Dorgio.mn
