Зохиогч: Урлаг

Рок попын чадалтай эмэгтэй хамтлагт зүй ёсоор тооцогддог “Sweetymotion” хамтлагийнхан энэ зуны турш хөдөө орон нутгаар нэлээдгүй явж уран бүтээлээ толилуулжээ. Тэд ирэх намраас үзэгч фэннүүддээ зориулан шинэ дуугаа цацаж эхлэхээр болжээ.

Одоогоор уран бүтээлийн хажуугаар хөдөө орон нутгийн үзэгч сонсогчиддоо уран бүтээлээ хүргэж байна. “Sweetymotion” хамтлагийнхан хэдхэн хоногийн өмнө Өмнөговь аймагт очиж ая дуугаа өргөжээ. Үүний өмнө Баянхонгор аймгийн “Бага олимп”-ын фенүүдтэйгээ уран бүтээлээрээ уулзжээ. Ойрын хугацаанд хөдөө орон нутгаар үргэлжлүүлэх тоглох төлөвлөгөөтэй байгаа гэнэ.

Эх, эцгийнхээ дэргэдээс холдож үзээгүй охид, хөвгүүд хагас зуун жилийн өмнө балетийн бүжигчин болохоор ЗХУын Пермь, Ташкентийг зорьж байжээ. Сонгодог урлагийн театрт тоглолт үзэх нь бүү хэл, энэ тухай сонссон хүн ховор байсан тэр цагт Өрнийн өндөр хөгжилтэй оронд хөл тавьж байсан тэдгээр хүүхэд бол Монголын балетийн жүжигчдийн анхдагч нь. Монгол Улс балетийн мэргэжлийн жүжигчинтэй болсны 50 жилийн ой энэ онд тохиож байна. Ойг тохиолдуулан ахмад бүжигчин Баянжаргалын санаачилгаар ДБЭТ, “Zoljargal and son film” хамтран баримтат кино хийжээ. Ахмад жүжигчдийн дурсамж яриа, түүхэн дүрс бичлэгээс бүтсэн киноны зохиолч, продюсерээр соёлын гавьяат зүтгэлтэн Г.Золжаргал ажиллаж, түүний хүү З.Батбилэг найруулсан аж. Балетийн мэргэжлийн боловсон хүчин бэлтгэсний 50 жилийн ойд зориулсан баримтат киног арваннэгдүгээр сард олны хүртээл болгоно.

Алдартай одууд жирэмсэн болж, хүүхэд төрүүлэх нь томоохон дуулиан байдаг бол үүний дараа тэдний нөхөр, найз залуучууд нь хайртай бүсгүйдээ ямар бэлэг барих нь бас л сонирхол татдаг билээ. Алдарт дуучин Mariah Carey-г өнгөрсөн онд ихэр хүү, охин төрүүлэхэд түүний нөхөр, рэппэр Ник Кэннон 12 мянган фунт стерлингийн үнэтэй алмаз болон биндерьяа шигтгээтэй хүзүүний зүүлт бэлэглэж байсан билээ. Мөн Америкийн жүжигчин Николь Кидманыг өнгөрсөн онд хоёр дахь охиноо төрүүлэхэд нөхөр нь өөрөө загварыг нь зохиосон алмаз болон маргад эрдэнийн шигтгээтэй загалмай хэлбэртэй хүзүүний зүүлт бэлэглэж байсан юм.

Victoria’s secret нь шилдэг топ моделиудыг багтаасан загварын шоу зохиох болон каталогиороо алдартай. Victoria’s secret нь эмэгтэй хүний бэлэн болон дотуур хувцас, гоо сайхны бүтээгдэхүүн худалдаалдаг Америк брэнд юм.
Энэ бол 5 тэрбум ам.доллараас давсан борлуулалттай, 1 тэрбум ам.долларын үйл ажиллагааны орлого бүхий олон нийтэд худалдаалагддаг Limited Brands- ийн хамгийн том брэнд төдийгүй нэг хэсэг билээ.

“Их хотын секс”-ийн од бүсгүйн багын нэгэн зургийг барууны хэвлэлүүд нийтлэж эхэлжээ. Сара Джессика ПАРКЕРИЙГ тухайн цаг үеийнхээ загварын болон дэлгэцийн нүүр царай мэтээр өргөмжилж байсан нь саяхан. Киноноос гадна дэлхийн томоохон хэвлэлүүдийн нүүр царай болж байсан түүнийг багадаа ийм охин байсан хэмээн хэн ч төсөөлөөгүй байсан талаар бичиж байна. Британийн Daily Mail-д нийтлэгдсэн энэхүү зураг дээр Сара 14 настай байжээ. 1979 онд тэрээр Бродвейн нэгэн мюзиклийн гол дүрд шалгуулж байх үедээ энэ зургийг авахуулсан гэнэ. Тэгвэл өдгөө 47-той хатагтайн хувьд саяхан Nina Ricci брендийн цүнхийг сурталчлах гэрээ байгуулаад байгаа билээ.

Justin and Selena нарын энгийн амьдрал

Анх 2009 онд нээлтээ хийсэн цагаасаа л шуугиан тарьж, үзэгчдийг байлдан дагуулсан Twilight кино твиттерт 1 сая дагагчтай болжээ.

Тэд энэхүү баярт үйл явдалд зориулан Twilight-ийн фэнүүдэд зориулсан 46 секундын бичлэг бүтээжээ.

Мөн уг киноны дараагийн анги болох “Twilight: Breaking dawn part 2” нь энэ намар арваннэгдүгээр сарын 16-нд нээлтээ хийх гэж байгаа ажээ.

Дуугаралтын хаан гэгддэг Beats by Dre чихэвч Лондонгийн олимпод оролцоод Алтан медальтай ирсэн Америкийн тамирчиддаа нэгэн гайхалтай бэлэг барьжээ.

Тэд багийн гишүүн бүрт алтлаг загвартай Beats by Dre чихэвч гардуулсан байна. Энэхүү чихэвч нь тамирчдын тоогоор тэдэнд зориулан бүтээгдсэн ба худалдаанд гарахгүй юм байна.

Дэлхий нийтэд танигдсан алдарт дуучин Whitney Houston-ны эдэлж хэрэглэж байсан зүйлсийг Лос Анжелос хотын “Grammy” музейд дэлгэн тавьжээ.Үзэсгэлэн 2013 оны хоёрдугаар сар хүртэл олны хүртээл болох юм.

Үзэсгэлэнгийн үеэр дуучны ах, дүүс болох Michael болон Gary Houston нар эгчийхээ амьдралын нэгээхэн хэсэг болсон эд зүйлсийг шүтэн бишрэгдэд нь сонирхуулжээ. Мөн дуучныг хамтдаа дурсахад тусалж байгаад “Grammy” музейн удирдлагуудад талархалаа илэрхийлжээ.Тус үзэсгэлэнд Whitney Houston-ны 1994 оны “Grammy Awards”-д оролцож, гурван “Grammy” шагнал авахдаа өмсөж байсан цагаан даашинз музейд дэлгэгдсэн нь олны анхаарлыг татаж байжээ.

“Mongolian beauty-2012” загварын тэмцээний төгсгөлийн шатны шалгаруулалт энэ сарын 29-нд “Богд хааны ордон” музейд болно. Өмнө нь загварын тэмцээн хэзээ ч музейд зохиогдож байгаагүй болохоор энэ жилийн шалгаруулалт өвөрмөц орчин бүрдүүлэх биз ээ. Тэмцээний эхний шатанд 150 гаруй залуус өрсөлдсөнөөс эцсийн шатанд 27 оролцогч тунаж үлдээд байгаа аж.

Тэмцээний ерөнхий зохион байгуулагч, тайзны алхааны багшаар 2010 оны топ модель Э.Сэлэнгэ ажиллаж байгаа гэлээ. Тэрбээр олон улсын хэд хэдэн тэмцээнд оролцож байсан туршлагатай тул энэ жилийн шалгаруулалтыг олон улсын жишгээр зохион байгуулахыг зорьж байгаа ажээ. Тус тэмцээнийг “Шилмэл загвар” компаниас зохион байгуулж байгаа ю