Зохиогч: Урлаг

Тулаант киноны оддын тоглосон “The Expendables 2” бүтээл Хойд Америкийн “Box office”-ийг орлогоороо тэргүүлж эхэллээ.

Өчигдрийн байдлаар жагсаалтын хоёрдугаарт “The Bourne Legacy” кино бичигдэж байна.

Сильвестр Сталлоне, Арнольд Шварценеггер, Жет Ли, Дольп Люндгрен, Чак Норрис гэх мэт алдартнуудын тоглосон “The Expendables 2” 28.6 сая ам.долларын орлого олжээ. Энэхүү бүтээл 100 сая ам.доллараар бүтсэн юм. 2010 онд гарсан анхны анги нь 80 сая ам.доллараар бүтэж, 247.4 сая ам.долларын орлого олж байв.

Үндэсний сагсан бөмбөгийн холбооны гурван удаагийн онооны аварга, олимпийн алтан медальт Кевин Дюрантын тоглосон “”Thunderstruck”” кино өнгөрсөн ням гаригт нээлтээ хийжээ. Би сагсан бөмбөгөөс өөр зүйлд хүчээ сорихыг хүссэн учраас кинонд тоглох саналыг хүлээж авсан гэж “Оклахома Сити Тандер” багийн довтлогч тайлбарлажээ. Камерны өмнө зогсохын тулд айдсаа дарах шаардлагатай байсан гэдгээ Дюрант нуусангүй. Луйзиана муж болон Оклахома Сити хотод зургийг нь авсан энэ кинонд Тэйлор Грэй, Брандон Жексон, Жим Белуши зэрэг жүжигчид тогложээ. Өмнө нь Майкл Жордан, Шакил О`Нил хоёр кинонд дүр бүтээж байсан түүхтэй.

“Ану хатан” киноны эвлүүлэг үргэлжилж байна. Киногоо 12-р сарын эхээр нээхээр төлөвлөж байна. “Домогт Ану хатан” роман шиг сайн кино болоосой гэж уншигчид их бичиж байна. Кино зохиолоо зураг авалт дуусан дуустал засч бичсэн. Найруулагчийн санаа, дэлгэцийн урлагийн онцлогоор бага зэрэг өөрчлөгдсөн. Гэхдээ өөрчлөлт засвар улам сайжруулсан гэдэгт итгэлтэй байна.

“The Lemons” хамтлагийн залуус нэгэн өвөрмөц тоглолтын тов зарлан, олны чихийг дэлийлгээд байна. Энэ бол Монголд анх удаа хийх гэж буй 40 хүнд зориулсан “VIP” тоглолт юм. “WA Studio Sessions” нэртэй уг тоглолт наймдугаар сарын 25-ны өдөр болох бөгөөд зохион байгуулагчаар “White Arch Studio” ажиллах гэнэ. “VIP” 40 үзэгч тус студид тухлан “The Lemons” хамтлагийнхантай хамт сууж, маш өндөр төвшний чихэвч ашиглан тэдний дууг сонсох гэнэ. Хамтлагийн залуу одоо хүртэл энэ өвөрмөц тоглолтынхоо тасалбарын үнийг нууцалж байгаа ч эзэд нь аль хэдийнэ захиалгаа өгөөд дуусчихсан сурагтай.

Дуучин Крис Браун, Рианна нарын дотно харьцаа 2009 онд зодоон цохионоор дууссан ч хэвлэлээр тэднийг янз бүрээр бичсээр ирсэн билээ. Зарим хүмүүс тэднийг нууцаар болздог гэдэг бол зарим нь Рианнаг Крис Браунд одоо ч хайртай хэмээн таамагладаг. Тэгвэл саяхан дуучин Рианна түүнийг Крис Браунд хайртай хэвээр гэсэн олны таамгийг баталжээ. Учир нь Рианна өнгөрөгч ням гаригт Опра Уинфригийн шоунд оролцох үеэрээ “Крис бид хоёрын харьцаанд сэв суусан ч бид эргээд бага багаар дотносож байгаа. Хэдий хэцүү байсан ч бидний дунд дахин итгэлцэл бий болсон. Бид бие биендээ хайртай. Магадгүй бид үргэлж бие биенээ хайрласаар байх болно” хэмээн ярьсан юм.

Хэдхэн хоногийн өмнө элхийн гоо сайхны олимп буюу “элхийн мисс”-ийн тэмцээн ӨМӨЗО-ны Ордос хотод болж Хятадын оролцогч миссийн титмийг тэргүүндээ залсан.

Уг тэмцээнд манай улсаас Х.Баярмаа гэх бүсгүй оролцсон бөгөөд “Далайн эргийн гоо үзэсгэлэн” номинацийн шилдэг 40, “Авъяаслаг мисс” номинацийн шилдэг 15 оролцогчын нэгээр шалгарч чамлахааргүй амжилт үзүүлсэн. Х.Баярмаа нь СУИС-ыг төгссөн бөгөөд “Шилдэг өнгө” продакшны жүжигчнээр ажилладаг. Тэрбээр “Шилдэг өнгө” захирал Ц.Хүсэлбаатар, жүжигчин С.Өлзийхүү нарийн охин гэдгийг мэдэхгүй хүн ховор.

Ретро хэв маяг: Энэ оны загварын чиг хандлагыг тодорхойлсон загварын шоу тоглолтуудад ретро хэв маяг эргэн амилжээ. Эмх замбараагүй хэрнээ тансаг 20-иод оны загварууд эргэн ирлээ. Дурсамжийн нэг хэсэг болсон хөвгүүдийн өмд, сул бэлхүүстэй Чарльстон даашинзууд зэрэг хуучны хамгийн дэгжин дүр төрхийг Ральф Лорены шоунд тусгажээ. Мөн Соня Рикелийн спорт загварын хуниастай юбканууд, 1920 оны эхэн үеийн сүлжмэл хувцаснууд, Гуччи, Роберто Каваллийн хийсэн гялалзсан чимэглэлтэй даашинз, график, дүрс ашигласан үдшийн хувцаснуудаас ретро хэв маягийг харж болно. Маш олон загвар зохион бүтээгчид ретро урсгалыг эргэн сэргээжээ. Бас нэгэн нөлөө бүхий ретро хэв маяг бол 1950, 60-аад оны үеийн өвдөг шүргэсэн урт юбканууд юм. Нарийн бэлхүүсийг тодруулж харагдуулах, нарийн бүс, богино хантаазнуудыг Диор эргэн сэргээжээ.

“Quiza and answer” нэвтрүүлгийн анхны дугаарт орсон зочдын сонирхолтой ярилцлагыг хүргэж байна. Энэ бол үзүүлбэрийн цаг.

“Казахфильм”-ийн шинэ бүтээл “Зоригт мянган дайчин” буюу “Жаужурек мын бала” хэмээх кино энэ өдрүүдэд Казахстанд төдийгүй Европт нээлтээ хийж байна. Кино шүүмжлэгчдийн үнэлж байгаагаар Казахстаны кино урлагийн төвшинг дэлхийд таниулсан бүтээл болжээ. “Казахстаны кино үйлдвэрлэлийг дээш нь чангаасан” (The Washington Times), “Казахстаны кино урлагийг дэлхийд зарласан бүтээл” (London Evening Standard), “Романтик казах туульс” (Reuters), “Дэлхийн кино ертөнцөд “Казахфильм” байр сууриа эзлэв бололтой” (Variety), “Гайхалтай тулааны тавилт” (The Independent), “Казах киноны байлдан дагуулалт” (BBC World News) гэх зэргээр дүгнэж байна.