“OpenAI”-ийн бүтээсэн хиймэл оюунд суурилсан дүрс бичлэгийн шинэ апп болох “Sora” аппын хандалт тав хоногийн дотор нэг саяыг давж, богино хугацаанд хиймэл оюуны бүтээгдэхүүний зах зээлд хүчтэй нэвтэрлээ. “Sora” нь “Sora 2” загвараар ажилладаг бөгөөд хэрэглэгчдэд дүрс бичлэгийг ердөө текстийн заавраар үүсгэх боломж олгож буй. Үүнээс гадна, “Cameo” нэртэй шинэ функц нь хэрэглэгч өөрийн дүр төрхийг ашиглан видео контент үүсгэх боломжийг бий болгожээ. Энэ нь технологийн хувьд дэвшил боловч хууль эрх зүйн талд тодорхойгүй байдал үүсгэж, зохиогчийн эрх болон хувийн дүр төрхийн ашиглалтын эрсдэлийг нэмэгдүүлж буйг мэргэжилтнүүд анхааруулж байна. Ийм нөхцөл байдал үүссэнтэй холбогдуулан “OpenAI”-ийн зүгээс Sora аппликейшнд хэрэглэгчид болон…
Зохиогч: Урлаг
IASJ буюу Олон улсын жазз сургуулиудын холбооны Удирдах зөвлөлийн гишүүн, “JazzLab” ТББ-ын тэргүүн Т.Мандухайтай ирэх жил буюу 2026 оны долдугаар сард болох Олон улсын жазз уулзалтын талаар ярилцлаа. -Юуны өмнө IASJ жазз уулзалт гэж юу болох, мөн яагаад Улаанбаатар 2026 оны зохион байгуулагч хотоор сонгогдсон талаар яриахгүй юу? -IASJ нь *Олон улсын жаззын сургуулиудын холбоо* гэсэн утгатай бөгөөд жил бүр болдог хамгийн чухал уулзалтын нэг юм. Энэ бол зөвхөн боловсролын арга хэмжээ бус, дэлхийн өнцөг булан бүрээс ирсэн оюутан, багш нарт зориулсан хөгжилтэй, танин мэдэхүйн болон уран бүтээлийн чухал талбар юм. Нью-Йорк, Хельсинки, Бостон, Кейп Таун, Сан-Пауло зэрэг хотуудад өмнө нь…
Украины Одесс мужийн хилчид их хэмжээний хуучны марк хил давуулах гэсэн оролдлогыг таслан зогсоожээ. 61 настай украин эмэгтэй гаалийн мэдүүлэгт тэмдэглэлгүй, 600 ширхэг марктай цуглуулга авч гарах гээд баригдсан байна. Цуглуулгыг түүх, соёлын үнэт зүйл эсэхийг мэргэжилтнүүд шалгаж байгаа гэнэ. 1908-1980 оны үеийн, янз бүрийн сэдэвтэй марк байсан бөгөөд цуглуулагчдын сонирхлыг ихэд татдаг сансрын сэдэвтэй марк ч байжээ. ЗХУ төдийгүй Куба; Мадагаскар; Монгол; Чехословак; Болгар; Румын; Буркина-Фасо улсын марк илэрсэн гэнэ.
40 GHZ Бий контемпорари арт галерейн таван жилийн ойн тусгай үзэсгэлэн олны хүртээл болж байна. Тус галерей нь 2020 онд байгуулж, таван жилийн хугацаанд 80 үзэсгэлэн зохион байгуулснаас 40 нь бие даасан уран бүтээлчийн үзэсгэлэн, 40 нь олон нийтийн хамтын төсөл үзэсгэлэн байв. Эдгээр 40 бие даасан үзэсгэлэн нь өөр өөрийн гэсэн өнгө төрх, материал, үзэл санаагаар ялгарч, урлагийн олон давтамжийг бий болгожээ. Энэ утгаараа ойн үзэсгэлэнгээ “40 GHz” гэж нэрлэсэн байна. “40 GHz” нь өнгөрсөн таван жилийн хугацаанд галерейн орон зайд бүтээсэн эрчим, энерги, дурсамжийг нэгтгэн харуулж байна. Энэ бол уран бүтээлч бүрийн өөр өөр давтамж, сэтгэл, өнгө аясыг…
Унгарын зохиолч Ласло Краснахоркаи утга зохиолын салбарын Нобелийн шагналын эзнээр тодорлоо. Унгарын зохиолчийг “Сүйрлийг зөгнөсөн айдсын дундаас урлагийн хүчийг тодруулан нотолж чадсан сэтгэл хөдөлгөм, алсын хараатай бүтээл туурвисан”-ыг нь үнэлэн Нобелийн шагнал хүртээхээр шийдвэрлэжээ. Тэрбээр 2015 оны Букерын олон улсын шагнал, мөн дэлхийн төгсгөлийн тухай өгүүлэх постмодерн роман болох “Fiction for Satantango” бүтээлээрээ 2013 оны шилдэг орчуулгын номын шагнал зэрэг уран зохиолын салбарын олон шагналыг хүртэж байлаа. Л.Краснахоркаи нь 2002 онд утга зохиолын салбарын Нобелийн шагнал хүртсэн зохиолч агсан Имре Кертесийн дараа уг нэр хүндтэй шагналын эзнээр тодорсон Унгарын хоёр дахь зохиолч болж байна. 1954 онд төрсөн Л.Краснахоркаи 1985 онд “Satantango” нэртэй бүтээлээ хэвлүүлснийхээ дараа…
HBO-ийн бүтээж буй “Harry Potter” телевизийн шинэ цувралд ахмад жүжигчин Жон Литгоу профессор Альбус Дамблдорын дүрийг бүтээж буйг албан ёсоор зарлажээ. Түүний урт цагаан сахал, нүдний шилт, уламжлалт саарал нөмрөгтэй зураг нийтийн сүлжээнд тархсан нь шуугиан дэгдээж байна. Жон Литгоу уг дүрд тоглох санал өнгөрсөн онд ирсэн хэмээн “Entertainment Weekly”-д өгсөн ярилцлагадаа дурдсан бөгөөд “Энэ бол миний уран бүтээлийн хамгийн сүүлийн том алхам, магадгүй амьдралын минь цоо шинэ бүлэг” хэмээсэн байна. Тэрээр дүрдээ зориулан тусгай хэлний хичээлд сууж, Дамблдорын ухаалаг, намуун, гэхдээ дотооддоо асар хүчтэй зан чанарыг гаргахын тулд жүжиглэх арга барилаа эрс өөрчилж байгаа гэв. Дамблдорын дүрд Жон Литгоуг…
Монгол Улсын соёлын биет бус өвийг хадгалж, хамгаалах, өвлөн уламжлагчдыг дэмжих, алдаршуулах зорилго бүхий “Нүүдэлчин” дэлхийн соёлын фестиваль, соёлын биет бус өвийн их наадам улсын хэмжээнд амжилттай зохион байгуулагдаж, нийслэл Улаанбаатар хотын өвлөн уламжлагчид тэргүүн байр эзэллээ. Энэхүү фестивалийг ЮНЕСКО-ийн 2003 оны “Соёлын биет бус өвийг хамгаалах тухай” конвенц, Монгол Улсын соёлын өвийг хамгаалах тухай хуулийн хэрэгжилтийг хангах хүрээнд НЗДТГ, НСУГ хамтран гурван жил тутамд зохион байгуулдаг. Энэ жил “Нүүдэлчин” дэлхийн соёлын фестиваль, соёлын биет бус өвийн үзлэг, их наадмыг хамтатган хоёр үе шаттайгаар улсын хэмжээнд өргөн цар хүрээтэйгээр зохион байгуулав. Энэ жилийн фестивальд Монгол Улсын 21 аймаг болон нийслэлийн…
1995 оноос хойш 2018 оныг хүртэл 23 жилийн турш тасралтгүй зохион байгуулагдсан ‘’Victoria’s Secret’’ загварын шоу таван жил завсарлаад 2024 онд эргэн ирсэн билээ. Тэгвэл энэ жилийн загварын шоу аравдугаар сарын 15-нд уламжлал ёсоор Нью-Йорк хотноо зохион байгуулагдах гэж байна. “Victoria’s Secret” загварын шоуны амин сүнс нь сахиусан тэнгэрүүд гэгддэг. Өнөө жилийн шоуны анхны танилцуулга сурталчилгаанд Адриана Лима, Анок Яай, Алекс Консани, Лили Алриж зэрэг загвар өмсөгчид оролцжээ. Мөн энэ жил Америкийн үндэсний эмэгтэй сагсан бөмбөгийн багийн тоглолч Анжел Рийс сахиусан тэнгэрийн хувиар шоунд оролцохоор болсон байна. Харин энэ жилийн шоунд үзүүлбэрээ үзүүлэх уран бүтээлчдийг хоёр хоногийн өмнө албан ёсоор…
“Битлз” хамтлийн гишүүн болон үүсгэн байгуулагчдын нэг, Английн рок хөгжимчин, дуучин, ая зохиогч, дэлхийн энхтайвныг дэмжигч байсан Жон Леннон амьд байсан бол өнөөдөр 85 нас хүрэх байлаа. Жон анхны гитараа 1956 онд ээжээсээ мөнгө зээлээд авч байв. Хоёр жилийн дараа Жулия Леннон ослоор амиа алдав. Жон сэтгэлээр унаж, архи уун, байнга зодолддог боллоо. Хичээлдээ муудаж, шалгалтандаа уналаа. Авга эгчтэйгээ муудалцсан ч эгч нь түүнийг Ливерпулийн хөгжмийн коллежид оруулж өгсөн юм. Харин жилд нэг ч даалгавар хийгээгүй гээд Леннон тэндээс хөөгдсөн билээ. Тэр үед Леннон, Пол Маккартни, Жорж Харрисон, Стюарт Сатклифф нар хамтлагаа The Beatles гэж нэрлэчихээд байж байлаа. Стюарт удалгүй…
Дэлхийн түүхэн дэх хамгийн алдартай эрдэмтдийн нэг болох Эйнштейний хийл дуудлага худалдаагаар 860 мянган фунт стерлингээр зарагджээ. Эйнштейний анхны хийл байсан гэж үзэж буй 1894 оны Зунтерерийн хийлийг Английн Глостершир гүнлэгийн “Dominic Winter Auctioneers” дуудлага худалдааны ордонд үнэ хаялцуулахаас өмнө 300 мянган фунт стерлингийн үнэд хүрнэ гэж шинжээчид таамаглаж байв. Эйнштейний найздаа бэлэглэсэн гүн ухааны ном мөн 2200 фунт стерлингээр зарагдсан байна. Дуудлагаар худалдаалагдсан үнэ дээр 26.4 хувийн нэмэлт шимтгэл нэмэгдэх бөгөөд ингэснээр хийлийн эцсийн үнэ 1 сая фунт стерлингээс давах юм. Дуудлага худалдааны ордны мэргэжилтнүүдийн үзэж буйгаар, шимтгэлийг нэмж тооцвол урьд нь мэргэжлийн хийлчин хүний эзэмшиж байгаагүй хийлийн хувьд…