“Монголын сайхан орон” уран зургийн үзэсгэлэн дэлгэгдлээ

Үндэсний их баяр наадмын үзэсгэлэнгийн удирдамж

Зохион байгуулагч: Монголын Уран Зургийн Галерей 
Хамтран зохион байгуулагч: Соёл, Спорт, Аялал Жуулчлалын Яам

Зорилго
Тулгар төр байгуулагдсаны 2222 жил, Их Монгол Улс байгуулагдсаны 807 жил, Ардын Хувьсгалын 92 жилийн ойн баяр наадамд зориулан Монгол орны үзэсгэлэнт байгаль түүний дахин давтагдашгүй дүр төрхийг сонин содон өнцгөөс фото зургийн хальснаа буулгасан агшин, мөн өнгө будгийн хослолоор байгалийн сайхныг урлагийн гайхамшигт бүтээл болгон хувиргасан уран бүтээлчдийн бүтээлүүдийг олон нийт, наадамчин олон, гадаад дотоодын зочид төлөөлөгчдөд дэлгэн үзүүлэх сурталчилан таниулах зорилготой юм.

Үзэсгэлэнд оролцох бүтээлд тавигдах шаардлага
1 уран бүтээлч 1-5 ширхэг бүтээлээр оролцох боломжтой бөгөөд бүтээл нь ямар нэгэн байдлаар хуулбарлагдаагүй “эх” бүтээл байна.
Уран зураг: Дотуур гадуур рам үзэмжтэй, чанартай байна.
Фото зураг: Гадуур жаазтай шилгүйгээр шийдсэн байх бөгөөд нягтрал 300 dpi байна. 
Жич: Хэмжээ 40х60см-аас 150-150см-ийн хооронд.

Шагнал: Шалгарсан шилдэг фото болон уран зураг нь өндөр шагналтай. /Зөвхөн нэгдүгээр байр шалгаруулна/

Үзэсгэлэн үргэлжлэх хугацаа: 2013 оны 07 сарын 09 –нөөс 19-ний хооронд Монголын уран зургийн галерейн үзэсгэлэнгийн танхимд үнэ төлбөргүй олны хүртээл болно.

Үзэсгэлэн дууссаны дараа: Оролцсон уран бүтээлчид бүтээлүүдийг 7 сарын 20-ноос ажлын 5 өдөрт багтаан буцаан авна.

Холбоо барих утас: 11-331687, 98830333

www.urlag.mn