Алив зураач минь бийрээ ав
Амьдрал залуу насны минь
Алдаа бүхнийг засч чимэглэлгүй
Алган дээр минь зураад өг
Хуульгүй эрх чөлөөг хувьцаа мэт тараасан
Хундага дарсаар өнгө ялга
Хуудуугүй үнэнийг гүйцнэ гэж эндүүрсэн
Хувь заяагаар сөн түшүүл
Зоргоор дурлавч зөнгөөр учирдаггүй
Зовлонтой амрагийг минь аргадаад өг
Нуугаад залгисан нулимсанд минь халтайдаг
Нууцхан сэтгэлийг минь угаагаад өг
Зүгээр ч нэг хэлээгүй
Хайртай гэдэг үг минь
Зөндөө жилийн дараа
Ямар үнэтэй байхыг
Зөрөөд л өнгөрч болох
Зүүд ишг гэнэн учрал
Зөнч бийрийн хэлээр
Ямар өнгөтэй байхыг
Үгээр минь зураад өг
Үнсэлтээр минь будаад өг
Инээд болоод нулимстай
Энэ хэвээр нь дүрслээд өг
Олны дундаас хайр суйлсан
Он цагийг бугуйнд минь зур
Орогнох тэмүүллээр нуувч барьсан
Энэ амьдралыг үнэнээр нь зур
Ганцхан замыг шулуун татаж
Гарт минь бүхнийг атгуулаад аль
Насан туршдаа зүрхэнд нь туулайчлах
Намайг ч бас зураад өг
Алив зураач минь бийрээ ав
Асуулгүй дурласан гэмийг минь зур
Тэнгэр мэт шүлгүүдээ би уншъя
Тэндээс миний хайрыг зураад өг
Б.Болорцэрэн
www.URLAG.mn
