“Anemone” хамтлагийн анхны цомог сонсогчдын гарт хүрэхэд бэлэн боллоо. Уг цомогт амьдралын утга учир, хүсэл мөрөөдөл, хайр дурлал, залуу насны тухай дуулсан олон сайхан уран бүтээлүүд нь багтжээ. Уран бүтээлчдийн хувьд анхны цомог гэдэг хамгийн гайхалтай мэдрэмж төдийгүй хүч хөдөлмөр, хүсэл мөрөөдлийнх нь бодит биелэл болдог. Энэ л гайхалтай мэдрэмжээр хөглөгдөж, хөөрч, баярлаж бас догдлонгуй байгаа “Anemone” хамтлагийн охид анхны цомгийн баяраа өнөөдөр сонсогчидтойгоо тэмдэглэх юм.
“Anemone” хамтлагийн анхны бие даасан “Anemone” цомгийн баяр өнөөдөр 16.00 цагт Сөүлийн гудамж дахь “Хаан банк театр”-т улаан хивсний ёслолоор эхлэх юм.
Мөн тэд цомгийн баяртаа зорилусан багахан хэмжээний тоглолтыг толилуулах бөгөөд “Making the band” шоунаас төрсөн “Extacy”, “Mixx” болон “Дижитал” хамтлаг, “Hot Spot” хамтлагийн дуучин Наагий, реппер Цэцэ, Женни нар ая дуугаа өргөх юм байна.
“Anemone” хамтлагийг сонсч, дэмждэг хүн бүрийг энэ баярыг хамтдаа хуваалцаасай гэж хүсч байна. Цомгийн баярын тасалбар 5000 төгрөг бөгөөд үүгээрээ хамтлагийн 15000 төгрөгийн үнэтэй цомгийг 20 хувийн хөнгөлөлттэй үнээр худалдан авч, гишүүдийн гарын үсгийг нь зуруулж, хамтдаа гэрэл зургаа татуулах боломжтой юм байна шүү.
www.URLAG.mn
