Сингапурийн хөгжмийн ертөнцөд цахиур хагалж явсан “Рагу Раман” хэмээх эр өдгөө “Pro Sound” студийн продюссерээр ажиллаж монголын рок, попын авьяастнуудын дуу хоолойны чадал цар хүрээг дэлхийн хэмжээнд таниулах, шилдэг уран бүтээлчдийн амьдаар дуулах чадварыг харуулж тэдгээрийг алдаршуулах зорилготой “The Mongolian Live Sessions” хэмээх төслийг санаачлан монголын рок, попын төлөөлөл болсон уран бүтээлчидтэй хамтран хэрэгжүүлж байгаа билээ.
Тэрээр өчигдөр болсон “The Mongolian Live Sessions” төслийн албан ёсны нээлтийн хэвлэлийн хурлын үеэр нэгэн нууцаа дэлгэсэн нь монголын рок поп урлагийн охидын ууган хамтлаг болох “Sweetymotion” хамтлагийг 10-н жилийн тэртээгээс л шүтэж ирсэн гэдэг нууц юм. Тэрээр намайг Сингапурт ажиллаж байх үед монголоос хөгжмийн Долгион ирээд нэг цомог дээр хамтран ажилласан юм. Тэр үед би анх “Sweetymotion”-ны дууг сонсоод өөрийн эрхгүй эрүү минь мултарч билээ. Тэгээд энэ хамтлаг манай улсад ирхүү гэхэд ирэх байхаа гэсээр 6-н жил болсон. Тэгээд би монголд ирж ажиллаж эхлэнгүүтээ л дуучин Д.Болдоос асуусан чинь бас л уулзах боломжгүй байсан, учир нь тэд Америкт байгаа гэсэн. Ингээд тэд 1 жилийн өмнө эх орондоо ирхэд нь анх уулзаж удаан хүлээсэн хүсэл минь биелж “The Mongolian Live Sessions” төсөл дээр хамтран ажиллах болсон доо маш их баяртай байна" хэмээжээ.
Таныг урлагийн тэнгэр ивээг…
www.URLAG.mn
