Их Британийн гүнж Кэти Мидлтоны үеэл Катрина Дарлинг энэ оны эхнээс л хэвлэлийнхний анхаарлын төвд орсон юм. Тэрбээр тус улсын хатан хааны угсааны хамаатан болсон учраас түүний хаана, юу хийж байгаа нь хүмүүс сонирхолтой байдаг.
Ангилал: Уртын дуу
Орчин үед ном унших үйл ажиллагаанд хүртэл техник технологиуд нэвтэрч эхэллээ. Энэ нь мэдээж ном унших дургүй болсон өсвөр насныхны анхаарлыг татах байх гэж найдаж байна. Тэр тусмаа хүнд боть номнуудыг эргүүлж, хэдэн өдрөөр унших нь маш төвөгтэй гэж бодож байгаа хүмүүст сонирхуулахад Infinitely Adjustable Reading Valet бүтээгдэхүүнийг танилцуулж байна. 2 кг хүртэлх жинтэй номыг таны хүссэн өнцөгөөр өргөх энэ бүтээгдэхүүн интернет дэлгүүрүүдэд 99,95 доллараар зарагдаж байна.
Харри Потерын мэндэлсэн байшинг худалдах гэж байна. Британийн Саффолк мужид орших, шидтэний тухай киноны зураг авалтанд ашигласан энэ байшинг 1,5 сая доллараар худалдан авах боломжтой юм байна. “De Vere House” гэх нэртэй энэ байшинд кино зохиолын дагуу Поттерын эцэг эх гунигтайгаар өөд болох хүртлээ амьдарч байсан юм. Чухам энэ л байшинд Харри духан дээрээ цахилгааны хэлбэртэй сорвийг авч байсан юм. Энэ байшин жуулчдын дунд ихээхэн алдартай гэнэ.
Холливудын поп дива “Marian Carey” “Америкийн шүтээн”-ий шинэ шүүгчээр ажиллах болсныг “Фокс” телевиз олонд зарлалаа. Хоёр жилийн турш уран бүтээлээсээ холдож, гэр бүлтэйгээ ойр байсан тэрбээр хоёр ихэр хүүхэд гаргаж фэнүүддээ “бэлэг” барьсан билээ. Харин тэрбээр дахин хөгжмийн ертөнцөд хөл тавьж байна. Гэхдээ тайзан дээрээс олонд ая дуугаа өргөх бус ширээний ард шүүгчийн байр сууринаас залуу дуучдыг од болох замыг нь засах гэнэ.
Улсын филармонид тун удахгүй нэгэн өвөрмөц жазз хөгжмийн тоглолт болох гэнэ. Энэ сарын 11, 12, 13, 14-нд “Music therapy” нэртэй энергийн тоглолтыг хийх гэж байна.
Уг тоглолтод Украин улсын “The Heavenly river” жазз хамтлаг болон Энэтхэгийн дуучин Санжай Талвар нар оролцох аж.
Орчин үеийн жазз хөгжмийн урсгалаар дамжуулан үзэгчдэд өөр мэдрэмж төрүүлэн энерги өгнө хэмээн тоглолтыг зохион байгуулагчид амлаад байгаа юм. Жааз хөгжөөр алжаал тайлж, энерги авах уг “Music therapy” тоглолтын тасалбар таван мянган төгрөгийн үнэтэй ба Улсын филармонийн кассаар худалдаалж байгаа гэнэ.
“ТВ Коктейль” хамтлагийнхан тун удахгүй анхны драмын жүжгээ өлгийдөн авах гэж байна. Тэд энэ сарын 8-нд 19.00 цагт Улсын дуурь, бүжгийн эрдмийн театрт “Хоёр ертөнцийн буудал” Францын жүжгийг толилуулахаар товоо зарлажээ.
Холливудын сайхан бүсгүйчүүдийн нэг, алдарт жүжигчин Скарлет Йохансон дэлхийн дээд амжилтыг эвдэн Гиннест тун удахгүй бичигдэх гэнэ. Учир нь жүжигчин бүсгүй маань кинонд тоглож олсон орлогоороо бүх цаг үеийн жүжигчдээс хамгийн ихийг хүүдийлэх гэж байгаа сурагтай. Тэрээр дэлхийг байлдан дагуулсан “The Avengers” киноны хоёрдугаар ангид тоглож 20 сая ам.доллар авах гэрээ байгуулсан байна. Тиймээс Скарлетын дансанд мөнгө шилжмэгц тэрбээр Гиннест бичигдэж, дэлхийн түүхэнд нэрээ мөнхлөх гэнэ.
“Тэнгис”, “Өргөө”-гийн дэлгэцээр “Хоёулаа унтах уу” уран сайхны кино гарч эхлээд буй. Энэ кино нь зөвхөн насанд хүрэгчдэд зориулсан эротик жанраар бүтээгдсэн гэдгийг киноны уран бүтээлчид ярьж байна. Гарсан цагаасаа үзэгчдийн сонирхлыг татаж буй энэхүү дэлгэцийн бүтээлийг “ЗМН”, “Монгол фильм групп” хамтран бүтээжээ. Гол дүрд “Үл таних эмэгтэй” киногоор танил болсон жүжигчин А.Долгор, хөтлөгч Э.Гантулга нар тоглож, дүрүүдийг С.Баттулга, Э.Тамир, С.Хишигжаргал нар амилуулсан байна.
Попын хаан Майкл Жексоныг таалал төгссөнөөс хойш нас барсан шалтгааныг олон янзаар тайлбарлаж байсан. Харин саяхан өөр нэгэн хувилбар дэвшүүлжээ. Тодруулбал Майкл Жексон аялан тоглолтонд бэлдэж байх үедээ архи ихээр ууж, дарамтанд байсан гэнэ. Тайзнаа эргэн ирэх ёстой гэсэн өөрт тавьсан шаардлагаасаа болж стресст орж, улмаар үхэлд хүргэсэн аж. Los Angeles Times сонины сэтгүүлчид Майкл Жексоны 2009 оны аялан тоглолтыг зохион байгуулагчдын зурвасыг олж авсан байна. Зохион байгуулагчид цахим захидлууд дээрээ дуучин сэтгэл санаа болон эрүүл мэнд нь маш муу байгаад сэтгэл зовниж байна хэмээн бичсэн байжээ.
Венецийн кино наадамд хүрэлцэх ирэх Холливудын одод нэмэгдсээр байгаа бөгөөд Селена Гомесийн хувцаслалтыг магтах хүн олон байгаа гэнэ. Урт нислэгийн замд ядарсан ч ялдамхан инээмсэглэх бүсгүй шүтэн бишрэгчиддээ гарын үсгээ дуртайяа өгсөн аж. Хармони Коринагийн найруулсан “Уйтгартай амралт” кинонд тоглосон Селена Гомес бусад жүжигчдийн хамт Италийн Лидо арал дээр ирээд байна.