Ангилал: Одод

“Рок, попын Вандан, Дуламсүрэн хоёр” хэмээн хошигносон нэр зүүж яваа ч урлагтаа үнэнч байж, сайхан дуунуудаараа өөрийн фэнтэй болсон МУСТА дуучин Анхаа, Халиунаа хоёр олны жишгээр 11 дүгээр сард тоглогдох шинэ концертондоо бэлтгээд тун завгүй байна.

Харин Монгол даяар найр, наадмын сезон орсон энэ цаг үед хамгийн эрэлттэй байгаагийн гол шалтгаан нь МУГЖ Г.Бүрнээбаярын анх дуулсан хөгжмийн зохиолч, МУГЖ Г.Энхбаярын зохиосон “Сүүн цагаан хурим” дууг дахин шинэчлэн дуулсан явдал юм. Олон жил энэ хоёр дуучин “Сүүн цагаан хурим” дууг байнга дуулж байгаа бөгөөд нэг хуриман дээр барагцаалбал 1-1.5 сая төгрөгөөр дуулдаг гэнэ.

“Номин талст” хамтлаг тарснаас хойш хамгийн идэвх зүтгэлтэй ажиллаж, хөдөлмөрлөж байгаа нь Хаянаа билээ. Тэрбээр уран бүтээлээ туурвихын зэрэгцээ уул уурхай, газар тариалангийн салбарт хүч сорьж, хажуугаар нь эх орныхоо хөгжилд санаа тавьдаг. Мөн түүний хамгийн эмзэглэж явдаг зүйл нь зарим хүмүүс урлаг, спортоос улстөрд орох ёсгүй мэтээр шүүмжилдэг явдал гэнэ. Түүнийхээр бол дуучин, тамирчин хэн ч байсан ялгаагүй улстөрч болох боломжтой бөгөөд залуу хүний хувьд эх орныхоо хөгжилд ямар нэгэн байдлаар гар бие оролцох ёстой гэж үздэг аж. Мөн түүний эхлүүлсэн бизнес маш амжилттай өргөжиж байгаа бөгөөд “Акуа Монгол” нэртэй усан парк байгуулах төсөл хэрэгжүүлж байгаа гэнэ.

Билэг танхай яруу найрагч Ц.Хулан 16 настайдаа “Хотын модод” гэж нэг намын дарангуйллыг эсэргүүцсэн шүлэг бичиж байжээ. Улаан уруул, цаанаа л донжтой хувцасладаг тэрээр нэгэн ярилцлагад: “Би хэзээ ч турья гэж бодож байгаагүй. Байгалаасаа сэтгэл хангалуундаа биш надад ерөөсөө өөрийгөө гэх хугацаа одоо ч гардаггүй. Давхиад өнгөрч байгаа адуу шиг явуут дундаа уруулаа будаад, ширээний ард хэдэн цаг овойтол сууж юм эрээчээд, гарч ирээд дэлгүүрт орно, гэртээ бол 16 үйлдэлтэй ногоо хэрчдэг комбайн шиг байдаг” гэсэн юм.

“Universe best songs” наадмын тайзнаа учирч, хамтын амьдралаа эхлүүлсэн “Мотив” хамтлагийн дуучин Т.Ганбаатар, дуучин Ж.Акбота нар саяханаас салсан гэх таагүй мэдээ дуулдлаа.
Тэд хоёрхон жилийн өмнө үрийн зулай үнэрлэж, хөөрхөн хүүдээ Анар хэмээн нэр хайрлан өлгийдөн авсан билээ. “Мотив” хамтлагийн дуучин Т.Ганбаатар эхнэр дуучин Ж.Акбота нь Турк, Казакийн цустай эрлийз тун ч дайчин зантай хэмээн найз нөхөд нь тодорхойлдог юм билээ.

Оюутны эрх ашгийн төлөө ажилладаг Монголын Оюутны Холбоо ээлжит ерөнхийлөгчөө сонгох гэж байна. Өмнө нь энэхүү холбооны ерөнхийлөгчөөр сангийн дэд сайдын албыг хашиж байсан Ч.Ганхуяг байсан ч түүнийг оюутны өмнө хүлээсэн үүргээ биелүүлж чадахгүй байна хэмээн үзэж огцрох шаардлага хүргүүлээд байсан. Харин тэрээр УИХ-ын сонгуульт ажлаасаа болоод өөрийн хүсэлтээр ерөнхийлөгчийн суудлаасаа түдгэлзэн энэ хугацаанд МОХ нэг хэсэг байр суурьгүй ганхсан гэж болно.

Тайландад хүйс солиулах хагалгаа хийлгээд ирсэн Ганбууш өөрийн гоо сайхандаа өмнөхөөсөө илүү анхаарах болжээ. Тэрээр хамгийн сүүлд өгсөн нэгэн ярилцлагадаа “Эхлээд Тайланд яваад зарим нэг эмчилгээгээ хийлгэчихээд ирье гэж бодож байгаа. Нүүрэндээ алтан утас гүйлгүүлж магадгүй” гэж өгүүлжээ. Мөн тэрээр цааш нь хэлэхдээ “Одоо миний насны эмэгтэйчүүд хагалгаанд ороход яг тохиромжтой. Тэрнээс хорин хэдтэйдээ мэс засалд орж залуу насаа эвдүүлээд яах юм бэ? Би дуучин Ануг ойлгодоггүй. Үнэхээр хөөрхөн охин. Тэгээд яагаад дахин дахин хагалгаанд ороод байдаг юм. Хүний залуу насны өнгө жавхаа бол гоё шүү дээ. Та нар бол үүнийг мэдэхгүй. Миний насан дээр очихоороо л ойлгоно.” хэмээн учирлажээ.

“Киви” хамтлагийн ахлагч, дуучин Ука өнгөрсөн хоёрдугаар сард анхны бие даасан “I аm in Love” цомгоо худалдаанд гаргасан билээ. Тус цомог нь 12 дуутай бөгөөд тэрбээр анхны цомогтоо багтсан дуунуудаа клипжүүлэн фенүүддээ хүргэсээр байгаа юм.

Тэгвэл энэ удаад тэрбээр “You and me” дууныхаа клипийг үзэгчдэд хүргэлээ. Ука энэхүү дуугаа “Нэгүн” студийн захирал, хөгжмийн зохиолч Д.Одбаяр буюу Окитой хамтран дуулжээ. Укагийн шинэ клипийг нь “Wanted” энтертайнментийн уран бүтээлчид хийжээ.

Монголдоо цөөхөн гэгдэх охидын хамтлагийг олшруулах зорилгоор хийгдэж эхэлсэн “Make in the bad” нэвтрүүлгийн хоёр дахь дугаараас гарсан Extacy хамтлагийн охид нэлээдгүй паян ихтэй. Ам барьж дуулаад баригдана, тайзан дээрээ бүдэрч унана гээд асуудал их. Хамгийн гол нь хүмүүс тэднийг шинэ гарч ирсэн хамтлаг гээд ойлгох ч дасгал сургуулилт, спонсор гээд бүх зүйлийг нь амжуулж хийдэг Монгол Улсын гавьяат жүжигчин Ж.Алтанцэцэгийн хувьд энэ бүхэн ичгэвтэр биз ээ. Харин дуучин Алтаа маань энэ бүхэнд төгсгөл хийж цэг тавихын тулд хамтлагийн охидыг цөөлж цомхотгосон бол тун удахгүй хамтарч тоглолт хийх гэнэ. Үүнийг сонссон зарим нэгэн аргаа барсан Алтаа амьд тоглолт ямар байдгийг өөрийн биеэр үзүүлэх нь дээ хэмээн ярьж буй сурагтай

Дуучин Ч.Ану “V” студийнхэнтэй хамтран уянгын дуун дээр ажиллаж байгаа ажээ. Мөн тэрээр удахгүй болох энергийн төвийн уулзалтаараа Малайз, Сингапур, Таивань, Хайнанаар аялах гэнэ. Ч.Анугийн хувьд энэ зуныг уран бүтээлийн ажилаа хийн завгүй өнгөрөөсөн юм. Түүнчлэн өөрийн нэрийн эмзэг, зөөлөн, анхилуун үнэртдэг үнэртэй усыг гаргахаар гадаадын томоохон судлаач, шинжээч болон компаниудтай хамтарч ажиллаж байна.

Төрийн шагнал авснаасаа болж түмний ад болж яваа, түрийвчээ зузаатгахын төлөө үхэн хатан зүтгэдэг хэмээн адлуулах болсон “Камертон” хамтлагийн ахлагч Д.Болд шинэ уран бүтээлдээ ханцуй шамлан оржээ. Харин тэрбээр өөрийнхөө уран бүтээлийн завсраар Монголын рок, попын шинэ залуу уран бүтээлчдэд дуу өгөхдөө нэн харамч гэнэ шүү. Сайн аялгуу, шүлгээ өөрөө дуулж, хит болохгүй яахав дээ гэснийгээ өндөр үнээр бусдад зардаг сураг сонсдов.