Намрын билэгт сайн өдрүүд тохиож, найр наадмын цаг эхэлсэнтэй холбоотойгоор Гэрлэх ёслолын ордон залуу хосуудын хөлд дарагдах боллоо. Энэ сард Хуримын ордонд 300 орчим залуу хос гэрлэлтээ батлуулахаар бүртгүүлсэн байна. Тэр дундаас энэ жилийг сонгон гэрлэхээр болсон олны танил хосуудыг багцлан хүргэе.
Ангилал: Одод
“Мотив” хамтлагийн хоёр дахь цомгийн нээлт ирэх сарын эхээр болно. “Цасан бороо ” цомогт 11 шинэ уран бүтээл багтаж байгаа ажээ. Залуус ирэх сараас өмнө гурван дуу клипжүүлэхээр тун завгүй ажиллаж байна. Цомогт багтсан “Эрч хүч” дууны клип бэлэн болсон төдийгүй тун удахгүй сонсогчдод хүрэх аж. Мөн аравдугаар сарын эхээр БНСУ, АНУ-д аялан тоглолт хийхээр төлөвлөж байгаа юм байна.
“Sweetymotion”-ыхон “Номин талст”-тай хамтран дуулахаар болжээ. Учир нь тус хоёр хамтлаг энэ жил 15 нас хүрч байгаа бөгөөд ирэх сарын 29, 30-нд болох “Номин талст 15 жил” тоглолт дээр ийнхүү хамтран дуулахаар болжээ.
Жазз дуучин Ц.Хулан бие даасан хоёр дахь цомгоо гаргахаар зэхэж байна. 2005 онд “My World” нэртэй анхны цомгоо гаргаснаас хойш тэрбээр хэсэг хугацаанд нам гүм байсан билээ. Харин өдгөө “My World-2” нэртэй түүний хоёр дахь цомгийн ажил нь 40 хувьтай байгаа, ирэх аравдугаар сард сонсогчдын хүртээл болох гэнэ. Үүнээс гадна дуучин бүсгүй монгол дуунуудаа ч цомог болгохоор зорьж байгаа ба “Хар санаа ба хайр сэтгэл”, “Надад өгөөгүй хайр”, “Зүүдний үргэлжлэл” зэрэг хүмүүсийн сонсох дуртай кино, жүжгийн бүтээлүүдээ багтааж байгаа гэнэ.
Тэдний хурим “баячууд”-ын гэх тодотголтой “Маршил Таун” хотхонд болно. Дуучин Ч.Цэлмүүний сүйт залуу Н.Алтанхайрхан АНУ-д суралцдаг бөгөөд тэд хоёр жил үерхэж байгаа юм байна. Гал голомтоо бадраах гэж буй залуу дуучиндаа баяр хүргэе.
“Тусгай салаа” олон ангит киноны Анужингийн дүрээр олны танил болсон бүсгүй Э.Амаржаргал өөрийгөө байгаль эхийн охин гэдэг аж. Тиймдээ ч хөдөө орон нутгаар аялж, байгалийн сайхнаар сэтгэлээ баясгаж, эрч хүч авдаг гэнэ. Э.Амаржаргал наадмын өмнө Монголын Швейцарь гэгддэг Хөвсгөл далайд очиж амарчээ.
Дуучин С.Сэрчмаа “Sally” нэртэй шинэ студиэ тун удахгүй нээх гэж байна. Түүний энэ студи рок попын уран бүтээлчдээс гадна шинэ залуу хамтлаг дуучдыг дэмжиж, хамтран ажиллах юм байна. С.Сэрчмаагийн шинэ студи дуу, клип хийхээс гадна шоу тоглолт зохион байгуулж, уран бүтээлчдэд зориулсан гоёлын дэлгүүртэй байна гээд бусдаасаа ялгарах зүйл ихтэй байх гэнэ.
Өнгөрсөн өвлийн турш “Монгол Улсын гавьяат жүжигчик Л. Чаминчулуун Өвөрмонголд амьдрахаар боллоо” хэмээн хэвлэл мэдээллийн хэрэгслээр шуугисан.
Түүнийг Өвөрмонголын өөртөө засах орны Хөххотод таван жилийн хугацаатай амьдрах болсон хэмээн эх сурвалжууд мэдээлж байсан билээ.
Гавьяат маань Өвөрмонголыг зургаадугаар сард зорьсон бөгөөд наадмын дараа эх орондоо иржээ. Л. Чаминчулуун энэ тухайгаа “Би жил бүр Хөххотод очиж, хичээл заадаг. Тэр ажлаараа сар хэртэй яваад ирлээ” хэмээн ярив.
“A-Sound” хамтлаг наймдугаар сарын 22-нд зургаан нас хүрэх нь ээ. Тиймээс тус хамтлагийн фенүүд “A-Sound”-д зориулан төрсөн өдрийн үдэшлэг хийхээр зэхсэн байна. Фейсбүүк хуудаснаа нэгдэн байгуулагдаад удаагүй байгаа хамтлагийн фен клубийнхэн энэ удаад олон сонирхолтой бэлэг бэлджээ. Гэхдээ эдгээр бэлгийг зөвхөн төрсөн өдрийн үдэш л задлах гэнэ. Мэдээж энэ үдшийн гол зочид бол “A-Sound” хамтлагийнхан бөгөөд амьд хөгжмийн хэмнэл дор нэгэн үдшийг фенүүдийнхээ хамт доргио өнгөрүүлэх нь ээ.
Дуучин Б.Маралжингоо эргэн уран бүтээлдээ орсон тухай сайхан мэдээ байна. “Nature sound” студийн “Шинэ давалгаа” дуулаачийн дамжаанаас уран бүтээлийн гараагаа эхэлсэн дуучин Б.Маралжингоо өнгөрсөн хугацаанд хувийн амьдрал, мэдлэг боловсролоо дээшлүүлэхээр уран бүтээлээсээ түр хөндийрч, хаа нэгтээ томоохон тоглолт, шоунд харагдах болсон билээ. Тэгвэл дуучин бүсгүй энэ удаа шинэ цомгоо танилцуулахаар хэдийнэ ажилдаа оржээ. Түүний шинэ цомгийн ерөнхий продюсераар ая зохиогч Г.Ганг ажиллаж байгаа ба тэд хоолойныхоо бичлэгээ дуучин Ж.Алтанцэцэгийн “Prosounds” студид хийлгэж байгаа гэнэ. Шинэ цомог ирэх арваннэгдүгээр сард худалдаанд гарах бололтой.