Сүүлд нэмэгдсэн

Өнөөдөр “Олон улсын энх тайвны өдөр”. Анх 1954 оны энэ өдөр Нью Йорк хотноо Энх тайвны хонхыг дэлхийн 60 гаруй орны хүүхдийн хандивласан зоосон мөнгөөр бүтээж, дуугаргасан түүхтэй ажээ. Үүнээс хойш сүүлийн 50 жил гаруй жилийн турш энэ өдрийг НҮБ-аас “Олон улсын энхтайвны өдөр” болгон тэмдэглэн өнгөрүүлж байна.

БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө нутгийн хойд хэсгээр бороо орно. Салхи баруун хойноос секундэд 6-11 метр, өдөртөө зарим газраар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 1 градус хүйтнээс 4 градус дулаан, өдөртөө 12-17 градус, Алтайн өвөр говиор шөнөдөө 11-16 градус, өдөртөө 24-29 градус, бусад нутгаар шөнөдөө 4-9 градус, өдөртөө 16-21 градус дулаан байна.

Симфони найрал хөгжим, БНСУ-ын Мокпо хотын симфони оркестрын захирал, удирдаач, Passion & Sharing (APS) академийг үндэслэн байгуулагч JUNIL JIN-тэй хамтарсан “Dawning” тоглолт өнөөдөр 19:00 цагт Улсын Филармонийн тайзнаа тоглогдоно. Тоглолтын хөтөлбөрт F.Mendelssohn “Symphony No.4 in A (“Italian”) op.90”, Young Jo Lee “Glory of Dawning for Orchestra”, Моцарт хийлд зориулсан концерт №4 зэрэг зохиолууд багтсан байна.

Дуурь бүжгийн эрдмийн театрын дуучин Б.Өлзийбаярын “Хайрын шивнээ”, “Ханийн дуу”, “Хослон дуулахаар учраа юу” зэрэг олон уран бүтээл нь сонсогчидоос талархал хүлээгээд байгаа. Тэшвэл уран бүтээлч маань өөрийн дөрөв дэхь уран бүтээл болох “Хорин нэгтэй бүсгүй” дууныхаа видео клипыг цацлаа. Тус дууны үгийг Б.Болорцэрэн, аяыг О.Эрдэнэ бичжээ.

Монголын тулааны шилдэг тамирчидын холбоо нь Японы холимог тулааны DEEP холбоотой хамтран “MGL-1 fighting championship” 7 vs 7 тулааныг 9 сарын 24-нд Монгол Бөхийн өргөөнд зохион байгуулахаар боллоо. Монголын шилдэг 7 тулаанч Японы шилдэг 7 тулаанчтай халз тулалдах энэхүү тэмцээнд Монголын өндөр чансаатай тамирчид болох Х.Амартүвшин, Ц.Амарсанаа, Б.Азжавхлан, Т.Ганбаяр, О.Пүрэв, А.Ууганбаяр болон саяхан Дэлхийн тулааны их наадмын жюү жицүгийн fighting төрөлд алтан медаль, newaza төрөлд хүрэл медаль хүртсэн бүсгүй болох М.Баярмаа нар тулалдах юм.

Соёлын төв өргөөнд “Аз жаргалыг шейрлэ” хошин шоу тоглолт эхлээд хоёр хонож байна. Үзэгчдийн суудал дүүрэн байхыг харахад инээж, баясах дуртай Монголчууд шүү гэж бодогдоно. Хошин урлагийг үзэж, сонирхож дурлах нэгэн байхад, нийгмийн хар бараан элдэв зүйлийг харуулж нэг ёсны биднийг доромжилдог гэх нэгэн ч байна.