Монгол Улсын Гавьяат жүжигчин С.Жавхлан гэргий Г.Эрдэнэчимэгтэйгээ дуулсан “Хар хархан харц” хэмээх сайхан үгтэй дуу сүүлийн үед FM, радиод тэргүүлж, хүмүүсийн аялах дуртай уран бүтээлийн нэг болжээ.
Энэ дууны үгийг Өвөр монголын радио телевизийн найруулагч хөтлөгч Н.Насанжаргал бичиж, аяыг Ц.Улаантуг “Морин хуур-2010” наадмын тэргүүн шагналт, хөгжмийн зохиолч Б.Мөнхжаргалын хамт бүтээсэн байна.
"You tube" сайтанд байршсан Монгол дуунуудаас хамгийн богино хугацаанд нэг сая үзэгч, сонсогчидын хүртээл болсон дуугаар "Хар хархан харц" дуу 2013 оны 11 сарын 16-нд тодорлоо.
Сонирхуулахад Реппер Рокит Бэй-ийн “Эвдэрхий хүн” дууны клип youtube сайтад байршсанаасаа хойш энэ оны тавдугаар сарын 20-нд хагас жилийн дараа мөн нэг сая үзэгчийн босгыг давжээ. Өмнө нь Монголын хамтлаг, дуучдын клип youtube сайтад ийм их хандалт авч байсан удаагүй. Энэ утгаараа "Эвдэрхий хүн", “Хар хархан харц” дуунууд цоо шинэ дээд амжилт тогтоолоо.
Цомог : Хамаг монгол
Үг: Н.Насах
Ая: Ц.Улаантуг
Хадмал дууны үгтэй – Captions товч дээр дарна уу.
Хар хархан харцанд чинь
Халуун зүрх минь хайлчих гээд байна.
Хайртай дуртай үгсээ би
Хашиж дийлэхгүй хэлчих гээд байна.
Ирмээд харсан харцаараа
Итгэсэн сэтгэлээ өгье хоёулаа
Инээд баярын хорвоодоо
Инээмсэглэж явая даа хоёулаа
Бор борхон харцанд чинь
Болохгүй хайр минь буцалчих гээд байна.
Бодсон санасан үнэнээ би
Бусдаас нуулгүй ярьчих нгээд байна
Уяраад харсан харцаараа
Учирсан заяагаа холбоё хоёулаа
Уйлж дуулах орчлондоо
Ухаарч хайрлаж амьдрая даа хоёулаа
Эрх дэндсэн (эмзэг) харцаараа
Эгцхэн тулаад харая даа бие биенээ
Эргээд дахиад олдохгүйгээр
Энэ хорвоод түшье дэ хэн хэнийгээ
Хайрлаад харсан харцаараа
Ханилахын тавилангаа түшье хоёулаа
Хатуу зөөлөнтэй хорвоодоо
Хайраараа аргадаж туулая хоёулаа
Хайрлаад харсан харцаараа
Ханилахын тавилангаа түшье хоёулаа
Хатуу зөөлөнтэй хорвоодоо
Хайраараа аргадаж туулая хоёулаа
Инээд баярын хорвоодоо
Инээмсэглэж явая даа хоёулаа
www.URLAG.mn
