Яруу найрагч, утга зохиолын шүүмжлэгч, Монголын сэтгүүл зүйн академийн ерөнхийлөгч, нийтлэлч, хэл бичгийн ухааны доктор /Ph.D/, профессор Ү.Хүрэлбаатар “Ганцхан чамтай учрахыг хүснэ” гэсэн нэгэн сайхан шүлгийг өөрийн фейсбүүк, твиттертээ тавьсан юм.
Энэхүү шүлэг тун удахгүй дуу болох бөгөөд аяыг хөгжмийн зохиолч Х.Мөнх-Ертөнц зохиожээ. Энэ дууг дуучин Б. Мишээлээр дуулуулна гэж хөгжмийн зохиолч Х.Мөнх-Ертөнц өөрөө хэлсэн байна. Ингээд та бүхэндээ тун удахгүй дуу болон эгшиглэх, сэтгэл догдлуулсан сайхан шүлгийг бүрэн эхээр нь хүргэж байна.
Шүлгийг Ү. Хүрэлбаатар
Хөгжмийг Х. Мөнх-Ертөнц
Дуучин Б. Мишээл
ГАНЦХАН ЧАМТАЙ УЧРАХЫГ ХҮСНЭ
Зүрхэнд шиврэх зөөлөн бороо
Зүүд биш байгаасай амраг минь
Хотын гудамжаар хөгжилтэй алхахсан
Чамтай учрахыг хичнээн их хүснэ вэ
Зөвхөн надад шиврэх бороо
Зүүд биш байгаасай амраг минь
Ширхэг ширхэгээр борооны дуслыг тоолж
Чамтай учрахыг хичнээн их хүснэ вэ
Ганцхан чамтай учрахын хүснэ
Зүрх сэтгэл минь чамруу тэмүүлнэ
Салхинаас хүртэл чамайгаа харамламаар байна
Сайхнаас сайхан чамдаа би хайртай
Хайраар бялхах уянгын бороо
Зүүд биш байгаасай амраг минь
Ханатлаа амсах бидэн хоёрын аз жаргал
Бүтэн байхыг хичнээн их хүснэ вэ
Ганцхан чамтай учрахын хүснэ
Зүрх сэтгэл минь чамруу тэмүүлнэ
Салхинаас хүртэл чамайгаа харамламаар байна
Сайхнаас сайхан чамдаа би хайртай
www.URLAG.mn
