“Харандааны хаан” үзэсгэлэн аравдугаар сарын 2-нд буюу өнөөдөр 17.00 цагаас Монголын уран зургийн галерейн гурван давхарт нээнэ.
Уг үзэсгэлэнг жил бүр уламжлал болгон зохион байгуулж буй бөгөөд 2020 онд Монголын урчуудын эвлэлийн үзэсгэлэнгийн танхимд гарч, 50 орчим бүтээлийг дэлгэж байжээ. Энэ удаагийн үзэсгэлэнд “Харандааны гүнж” хэмээн нэрийддэг зураач Б.Бүжүүлэнгийн уран бүтээлүүдийг дэлгэн харуулах ажээ.
Уг үзэсгэлэнгийн зохион байгуулагч, Соёлын гавьяат зүтгэлтэн, шог зураач С.Цогтбаяр “Хүн бүр дотор сэтгэл зүрхэндээ уран бүтээлч болж төрдөг бөгөөд түүнийг сэхээж хөгжүүлэхийн чухлыг ойлгуулж мэдрүүлсэн энэ үзэсгэлэн танд ч бас чухал нөлөөлөл үзүүлж чадна хэмээн найдна” гэсэн юм.
“Харандааны хаан” үзэсгэлэн аравдугаар сарын 9-нийг хүртэл үзэгчдийн хүртээл болно.
