Монголын театрын музей сан хөмрөгтөө хадгалдагдаж буй зурагт хуудсуудыг, уран бүтээлчид, цуглуулагч нарын зурагт хуудсаар баяжуулан “20th century Mongolian pop culture posters” буюу “XX зууны Монголын соёл урлагийн зурагт хуудсууд” цомгийг эрхэм үзэгч, уншигчдад хүргэж байна.
Энэхүү бүтээлд багтсан УДЭТ, “Монгол кино” нэгтгэл, Улсын цирк, Улсын ардын дуу бүжгийн чуулга буюу одоогийн Үндэсний урлагийн их театр, Улсын хүүхэд, залуучуудын театр, Улсын филармони, УДБЭТ болон аймаг орон нутгийн театруудын тайзнаа амилсан уран бүтээлүүдийн ховор зурагт хуудсууд нь соёл, урлагийн судлаачдад судалгааны эх хэрэглэгдэхүүн болох юм.
Цомогт “Броскод паблишг” ХХК-ийн захирал Б.Билгүүн, “Монгол дүрслэмж” ТТБ-ыг хамтран үүсгэн байгуулагч Б.Мэнд-Амар, судлаач Ч.Болд, зөвлөхөөр Соёлын гавьяат зүтгэлтэн, шог зураач С.Цогтбаяр, судлаач С.Түвдэндорж, М.Саруул-Эрдэнэ ажиллажээ.
