Монгол ардын дууг хамсран хөгжимдөх нь ардын хөгжмийн нэгэн төрөл зүйл билээ. Ардын дууг хоршлоор, зургаалаар, есүүл гэх мэт бүрэлдэхүүнээр хөгжимдсөөр ирсэн уламжлалтай. “Aydu” рекордсын уран бүтээлч, хуучирч Э.Цэндсүрэн, ёочинч Э.Пагма нар ардын 16 дууг уламжлалт болон өөрсдийн найруулгаар хөгжимдөж бичүүлж, цомог болгон энэ Сар шинийн баяраар бэлэг болгон барилаа.
Тус цомогт бидний сайн мэдэх “Дөрвөн цаг”-аас аваад “Ай Нанаа”, “Сүнжидмаа”, “Өнчин цагаан ботго” гэх мэт дуунуудыг өөрсдийн ардын арга барилаар хөгжимдөхдөө зэмсгийн онцлог төрөл, цохилгыг хэрэглэсэн. Тухайлбал хуучир нь энгийн хуучраас гадна дөврөн чавхдаст, тэмээн гэх мэт олон төрөл байдаг бол ёочинг олон төрөл цохиур ашиглан хөгжимдөж болдогийг харуулжээ. Хоёр уран бүтээлчийн хувьд өмнө нь мэргэжлийн, контемпорари, жазз чиглэлээр цомгоо толилуулж байсан бол ардын дуугаар дагнаж толилуулж байгаа нь анхных юм. Цомгийг бүхий л хөгжмийн стрийминг платфмоор хүлээн авч сонсох боломжтой.
