Монголын байгалийн гэрэл зурагчдын нийгэмлэг, Монголын байгалийн түүхийн музейтэй хоёр дахь жилдээ хамтран “Монголын байгалийн шилдэг гэрэл зураг-2024” олон улсын уралдааны шилдэг бүтээлүүдээр нэг сарын турш үзэсгэлэн гаргаж толилуулахаар болсон байна.
Тус уралдаан нь Монгол Улсын Ерөнхийлөгчийн ивээл дор зохион байгуулагддаг олон улсын уралдаан бөгөөд жил бүр уламжлал болгон зохион байгуулагддагаараа онцлогтой.
Энэхүү уралдаанд нийт 14 улсын 110 уран бүтээлчийн 638 гаруй бүтээл ирснээс шилдэг 44 зургийг үзэсгэлэнд дэлгэжээ.
Үзэсгэлэн тавдугаар сарын 4-нийг хүртэл нэг сар үргэлжилнэ. Монголын үзэсгэлэнт байгаль, өвөрмөц ахуй болон зэрлэг амьтдын зургийг таалан үзэх боломжтой.
