Уран бүтээлч Б.Номин хүний мөн чанар, сүнсний дахин төрөлтийн тухай гүн утга агуулгыг урлагаар илэрхийлсэнээ “Миний үйлдэл бол би” үзэсгэлэндээ дэлгэж байна. Түүний бүтээлүүд “хүн бол бүхэл бүтэн ертөнц” гэсэн санааг шингээж, бидний хийсэн үйлдэл, хуримтлуулсан энерги, мэдээлэл бүр оршихуйн утга учиртай хэрхэн холбоотойг харуулна.
“Миний үйлдэл бол би” үзэсгэлэн нь үзэгч нэг бүрийг үйлдэл бүхэн оршихуйн үндэс, ухамсрын илэрхийлэл гэдгийг ухааран мэдрэхүйд хөтлөн, уран бүтээлийн дотоод утгыг өөрийн дотор дахин бүтээж, нэгэн шинэ “би”-гийн эхлэлтэй учруулахыг зорьсон аж.
Куратор: Б.Батжил
Ко-Куратор: А.Мөнхтуяа
“Миний үйлдэл бол би” үзэсгэлэн энэ тавдугаар сарын 31-ийг дуустал “В” контемпорари арт галерейд үргэлжилнэ.
