Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулж буй “Улаанбаатар биенналь 2025” олон талт соёл, урлагийн нэгдсэн үйл ажиллагааг зохион байгуулж буй.
Эл арга хэмжээнд нийт дэлхийн 29 орны 300 орчим гадаад оролцогчид, 22 багц үйл ажиллагааг 06 сарын 06-20-ний өдрүүдэд буюу 15 хоногийн турш хүргэх юм.
“Улаанбаатар биенналь 2025”-ын хүрээнд “Дурсамжаар бүтээв. Төгсгөлийн бүлэг” үзэсгэлэнг 06 дугаар сарын 16-нд Занабазарын нэрэмжит Дүрслэх урлагийн музейн үзэсгэлэнгийн танхимд дэлгэлээ.
Уран бүтээлч Х.Сүрэнгийн эл үзэсгэлэн нь зөвхөн бүтээлүүдийн цуглуулга бус, хүний дотоод ертөнц дэх эгэл боловч эрхэм дурсамжуудыг нэхэн санах, түүнд ач холбогдол өгөх орон зай юм. Бүтээл бүр тодорхой дурсамжууд дээр үндэслэсэн бөгөөд 20 жилийн турш цуглуулж, хадгалж, хатаасан ургамал, цэцэгсийн цуглуулга цианотип, торгон хэвлэл, дуу зэрэг медиумаар дамжуулан эргэн амилж буй нь энэ аж.
“Дурсамжаар бүтээв. Төгсгөлийн бүлэг” үзэсгэлэн 2025 оны 06 дугаар сарын 25-ныг дуустал үргэлжилнэ.
