Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Үзэсгэлэн»“Монгол дархан-2025” үзэсгэлэнд дархчууд шилмэл сор бүтээлээ дэлгэнэ
Үзэсгэлэн

“Монгол дархан-2025” үзэсгэлэнд дархчууд шилмэл сор бүтээлээ дэлгэнэ

Урлаг Урлаг25/06/2025Шинэчлэгдсэн:25/06/2025Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Монгол Улсын Ерөнхийлөгчийн ивээл дор зохион байгуулах “Монгол дархан 2025” үзэсгэлэнгийн талаарх мэдээллийг Монгол уран дархны “Түмэн эрдэнэс” нэгдсэн холбооноос өчигдөр /2025.06.24/ хүргэлээ.

“Монголчуудын түүхэнд дархчуудын оролцоо” сэдвийн дор дархчууд үзэсгэлэнгээ дэлгэж, ардын урлал, шашны урлал, чимэглэлийн урлал, чөлөөт уран бүтээл гэсэн дөрвөн төрлөөр бүтээлүүдийг хүлээн авч, шилдэг 20 бүтээлийг шалгаруулах юм.

Энэ удаагийн үзэсгэлэнг “Монгол дархны өв соёл, урлагийн гайхамшиг” нэрийн дор  өргөн хүрээтэй зохион байгуулж Буриад, ӨМӨЗО-ы уран бүтээлчид хүрэлцэн ирж оролцож буйгаараа онцлогтой.

Монгол уран дархны “Түмэн эрдэнэс” нэгдсэн холбооны тэргүүн С.Батзоригт, “2016 онд Монгол дархны урлагийг дэмжих тухай Ерөнхийлөгчийн зарлиг гарсан. Улмаар дархчуудын үзэсгэлэнг гурван жил тутам уламжлал болгон зохион байгуулж ирсэн. Энэ удаа дөрөв дэх удаагаа Өндөр гэгээн Занабазарын мэндэлсний 390 жилийн ойн хүрээнд “Чингис хаан” үндэсний музейтай хамтран зохион байгуулж байна. Өмнөх гурван удаагийн үзэсгэлэнгийн шилдэг бүтээл болон  эртний сайхан хийц, дархны өв бүтээлийг хамтад нь хоршсон байдлаар дархны бүтээлийг нэг дор цогцлоож, өнө эртнээс өнөөдрийг хүртэлх түүхийн архив археологийн үзмэр, шилдэг бүтээлүүдийг багтаасан үзэсгэлэн гаргахаар төлөвлөж байна. Энэ үзэсгэлэнг “Чингис хаан” үндэсний музейн есөн давхарт дэлгэх бол шинэ цагийн 2022-2025 оны хооронд бүтээсэн бүтээлүүдийг тус музейн нэгдүгээр танхимд олны хүртээл болгоно” гэв.

Харин “Түмэн эрдэнэс” нэгдсэн холбооны удирдах зөвлөлийн гишүүн Б.Алтангэрэл ярихдаа, “Манай залуус монгол дархны урлагт уран ухаанаа уралдуулах нь ховор байна. Монгол хүний оюун ухаанаар бүтэж байгаа өв соёлынхоо төлөө залуус маань нэгдэж, ахмад үеийнхээ дархчуудаас суралцах хэрэгтэй.  Иймд залуустаа хандаж уран дархны эрдэмд суралцахыг уриалъя. Энэ удаагийн үзэсгэлэнд аймаг аймгийн дархчуудаас нэрд гарсан уран бүтээлчид ирж оролцоно” хэмээв.

Дархчууд шилмэл сор бүтээлүүдээ дэлгэн танилцуулж, эртний эдлэл цуглуулагчдаас тодорхой хэмжээний уран дархантай холбоотой эд өлгийн зүйлсийг үзүүлж, музейн сан хөмрөгт байх Өндөр гэгээнтэн Занабазартай холбоотой урласан бүтээлийг хоршин үзүүлэх юм. “Монгол дархан-2025”  үзэсгэлэнг долоодугаар сарын 2-нд нээх бол албан ёсны нээлтийг долоодугаар сарын 4-нд хийнэ.

Ташрамд дурдахад, Япон Улсын Цог Жавхлант Эзэн Хаан Нарүхито үзэсгэлэнгийн шилмэл бүтээлүүдийг үзэж сонирхох аж.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Үзэсгэлэн Урлаг

“Өндөр гэгээний өв дүрслэх урлагт” тусгай үзэсгэлэн үргэлжилж байна

16/07/2025
Үзэсгэлэн Урлаг

“Монголын сайхан орон” уран бүтээлийн үзэсгэлэн үргэлжилж байна

13/07/2025
Үзэсгэлэн Урлаг

Монголчуудын XIX-XX зууны үед хэрэглэж байсан авдар дэлгэн үзүүлж байна

11/07/2025

Сэтгэгдэл хаалттай

Сүүлд нэмэгдсэн

Тайванийн “F4” хамтлаг тайзнаа эргэн ирэв

18/07/2025

“Олон улсын кино кэмп” хөтөлбөрийн урьдчилсан шалгаруулалт зарлагдлаа

18/07/2025

Лабубу хүүхэлдэйг үйлдвэрлэгчийн ашиг огцом өссөн ч хувьцаа нь унажээ

18/07/2025

“BTS” хамтлагийн залгамж халаа болох шинэ хамтлаг гарна

17/07/2025

“Торгоны зам” авто ралли олон улсын уралдаан манай улсад зохион байгуулагдаж байна

17/07/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.