Монголын дүрслэх урлагийг хөгжүүлэх, түгээн дэлгэрүүлэх үйл хэрэгт өөрийн гэсэн хувь нэмрээ оруулж, дотоод гадаадын олон үзэсгэлэн, арга хэмжээнд монголын түүх, соёлыг тал бүрээс нь сурвалжлан бүтээлээ туурвиж, дэлхий нийтэд сурталчлан таниулж байгаа уран бүтээлчид цөөнгүй бий.
Уран бүтээлч С.Хөгжилбаяр нь Солонгос улсын Дэжон хотод байрлах Ханнам их сургуульд “Монголын үндэсний уран зургаар орчин үеийн зүйрлэл судлал” сэдвээр докторын зэрэг хамгаалсан бөгөөд Солонгос улсад долоон удаагийн бие даасан үзэсгэлэн, 50 гаруй хамтарсан үзэсгэлэнд оролцоод байна. Түүний санаачлан зохион байгуулж буй “Зам” олон улсын үзэсгэлэнд БНСУ-ын Ханнам их сургуулийн эрдэмтэн багш нар болон Дэжон хотын урчуудын эвлэлийн гишүүн уран бүтээлчид, Монголын урчуудын эвлэлийн гишүүн нийт 15 уран бүтээлч оролцоно.
Монгол уран бүтээлчид:
Монгол улсын Хөдөлмөрийн баатар, Ардын зураач Н.Цүлтэм, Төрийн соёрхолт, Монгол улсын Ардын зураач Ш.Чимэддорж, Л.Бумандорж, Ц.Нармандах, Б.Нямхүү, Г.Амарсанаа, М.Чинбат, Б.Баатарзориг, Б.Номин, С.Хөгжилбаяр
Солонгос улсын уран бүтээлчид:
Профессор Shin Young Jin, доктор Cho Sang Young, доктор Choi Ki Jung, уран бүтээлч Oh Sung Cheol, докторант Kim Min Seok
“Зам” үзэсгэлэнгийн нээлт долдугаар сарын 31-ний 16.00 цагт Монголын урчуудын эвлэлийн үзэсгэлэнгийн танхимд болно.
