Пост модерн чиглэлээр уран бүтээлээ туурвигч М.Тодбилэг анхны бие даасан “Хаалга ба сонголт” үзэсгэлэнгээ “Улаан гэр” галерейд энэ баасан гарагт толилуулах нь. Энэ сарын 27-ныг хүртэл олны хүртээл болгох эл үзэсгэлэн нь бидэнд дотоод ертөнцийн “хаалганууд”-ынхаа өмнө түр ч атугай саатан чимээлэх боломж олгож, сонголт бол хувь тавилангийн нэгээхэн хэсэг болохыг мэдрэн, эргэцүүлэх орон зай олгох аж. Тэрбээр энэхүү үзэсгэлэнгээр дамжуулан хаалга бол зүгээр нэг орон зайн зааг бус, таны дотоод ертөнц рүү нэвтрэх гүүр хэмээх санааг илэрхийлэхээр зорьжээ. Түүнчлэн сонголт бүр тодорхойгүй ирээдүйн босгон дээр хүлээж буй хариуцлага, хүсэл, эргэлзээ, итгэл найдварын уулзвар болохыг ч бүтээлүүддээ гүн шингээн урласан гэнэ.
