Монголын уран зургийн галерей нь “Нүүдэлч зуслан” төсөлтэй хамтран алслагдсан бүс нутгийн хүүхдүүдийн ахуй амьдрал, бүтээлч илэрхийллийг харуулсан үзэсгэлэнг олон нийтэд толилуулж байна.
Энэхүү төсөл нь алслагдсан сумдын хүүхдүүд дээр багш нар нь сургалтын хэрэгслүүд, шинэ санаа, бүтээлч хөтөлбөртэйгөө очдог “явуулын”, “нүүдлийн” зуслан гэдгээрээ шинэлэг юм. Эх орныхоо алс хязгаарт зусаж буй ард олныхоо амьдрал, ахуйгаас ч мөн суралцаж, эргэх холбоог үүсгэх нь төслийн өөр нэг чухал онцлог билээ.
