Буддын шүтээн урлал, орчин үеийн уран зураг, модон эдлэл, зүмбэр урлал зэрэг 108 бүтээлийн “Өвлийн үзэсгэлэн-2026” үзэсгэлэнг Монголын театрын музейд нээлээ.
Үзэсгэлэнгээр орчин үеийн гар урлал, соёлын өвийг таниулах зорилготой бөгөөд энэ сарын 23-ныг хүртэл олон нийтэд нээлттэй байна. “Түшдийн рашаан” бясалгал, урлалын буддист амралтын газар, Монголын театрын музейтай хамтран үзэсгэлэнг анх удаа нийтэд дэлгэж байгаа нь энэ.
Харин “Түшдийн рашаан” буддист амралтын газрын гүйцэтгэх захирал Ж.Цогт-Очир 2024 оноос хойш зуны улиралд гэр галерейн үзэсгэлэнг хэд хэдэн удаа үзэгчдэд хүргэсэн байна. Тэгвэл энэ жилээс жилийн дөрвөн улирлын турш үзэсгэлэн гаргаж, өв соёлоо сурталчлан таниулах зорилго тавьжээ.
Гэрэл зураг: Г.Мөнх-Од
Эх сурвалж: МОНЦАМЭ агентлаг
