Ховд аймгийн музейд 3000 гаруй ховор үзмэр хадгалагдаж байна. Үүнээс он, цагийн дарааллаар хамгийн эхэнд бичигдэх үзмэр нь чулуун уур, нүдүүр юм.
Чулуун уур, нүдүүрийн тухайд шинэ чулуун зэвсгийн үе буюу МЭӨ 7000-4000 жилийн үед холбогдоно. Үүнийг хөх саарал боржин чулуугаар хийжээ. Нүдүүрийн бариул хэсгийг нь хонины толгойн хэлбэр гаргаж урласнаараа онцлогтой.
Тус үзмэрийн өндөр нь 14 см, голч нь 17 см бөгөөд жин нь 6 кг, 190 гр юм. Уг үзмэр нь үр тариа болон жимс боловсруулах зориулалттай.
Ховд аймгийн музейн цуглуулгад 1960 онд бүртгэжээ.
