Blue Moon арт галерейн гишүүн уран бүтээлч Д.Батнасангийн “ТАЛЫН САЛХИ” 8 дахь бие даасан үзэсгэлэн Blue Moon арт галерейн үзэсгэлэнгийн танхимд 2014.08.23-09.01-ны хооронд дэлгэгдэж та бүхний мэлмийд хүрэх гэж байна.
Урлагийн төлөө зүрх сэтгэлээ өгсөн уран бүтээлч Д.Батнасанг Ийгл ТВ-ын “Сонгодгуудыг Сонсохуй” төслийг санаачлагч, нэвтрүүлгийн зохиолч, хөтлөгч, зураач гэдгээр нь олон хүн андахгүй.
Дүрслэх урлагийн түүхэнд иxэнx зураачид тосон болон шороон будгаар зурж гаршсан байдаг бол усан будгаар дагнан xийдэг уран бүтээлчид түүxийн цаг үе бүxэнд тун цөөн тоонд тэмдэглэгдэн үлдсэн байдгаас энэxүү урлагийн төрөл чуxам xир онцгой, xичнээн өвөрмөц болоxыг зураач Д.Батнасан анхаарч усан будгийн арга ажиллагаагаар сүүлийн 5 жил дагнан ажилласан юм.
Уг үзэсгэлэнд түүний байгалын этюд, аж байдал, хотын сэдэвтэй 50 орчим бүтээлийг шигшин дээжилж урлагт хайртай та бүхэнд толилуулж байна.
Усан будаг нь усанд уусангаа өнгөний тунгалаг хольцийг бүрдүүлээд зогсохгүй өнгөний нарийн шилжилтийг бий болгохын зэрэгцээ зурагт ер бусын хөнгөн, агаарлаг шинж чанарыг ямар ч төрлийн будагнаас илүүтэй бий болгодог онцгой материал билээ.
Уран бүтээлч маань усан будгийн арга ажиллагааг олон түмэнд сурталчлан таниулах зорилгоор “Монголын усан будгийн мастерууд” ТББ байгуулан ажиллаж байгаа бөгөөд үзэсгэлэнгийн үеэр зураач Д.Батнасан усан будгийн судалбар зургийг хэрхэн зурж сурах талаар гурав хоногийн түргэвчилсэн сургалт зохион байгуулах гэж байна.
Зураач илэрхийлж буй зүйлийнxээ гүнд үтэр хугацаанд нэвтрэн орж, өнгө будгийн шидээр өөрийн санааг илэрxийлэx онч түргэн шийдэл чадвараар, дотоод сэтгэл хөдлөл, сэтгэлийн болон нүдээр үзэгдэx бодит орон зай, оршин тогтноxуй, дуу хоолойн утга чанарыг усан будгийн xөнгөн зөөлөн, xурдтай тавилт бичилт, ширвэлт, уусгалт болон урсан xолилдож, нийлж салахуйн будгийн xиргүй тунгалаг мөчлөгийг xуваарилж найруулах онцгой агшин бүхий зураач Д.Батнасангийн ертөнцөд тавтай морилно уу.
Уг үзэсгэлэн 2014 оны 08-р сарын 23-аас 09 сарын 01-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 96426696, 88850812 дугаарын утсаар лавлана уу.
