Blue moon арт галерейн дэргэдэх “Аялагч зураачдын клуб”-ын “МИНИЙ НУТАГ-2” үлгэр шиг нутгаар-аялалын уран бүтээлийн үзэсгэлэн 2014.09.19-28-ны хооронд дэлгэгдэж та бүхний мэлмийд хүрэх гэж байна.
Аялагч зураачдын клуб нь өнгөрсөн жил “Mиний нутаг” сэдвээр зуны аялалыг 2013.07.20-08.06-ны хооронд зохион байгуулж Алтайн өвөр говиор аялан “МИНИЙ НУТАГ-1”, маршрут гарган Манзуширийн хийд, Богд хааны ордон музей, Чойжин ламын сүм музей зэрэг түүхэн дурсгалт газруудаар аялан “ШОГШОО АЯЛАЛ” үзэсгэлэнг зохион байгуулсан юм.
Энэхүү үзэсгэлэнгээс та урлагаар дамжуулан эрүүл зөв аялал, урлагийн мэдрэмжээр дүүрэн байгалийн гэрэл, агаарыг мэдэрч байгалийн гоо сайханыг харах болно. 2014.07.10-08.10-ны хооронд 30 хоног, 5120 км зам туулан эх орныхоо үзэсгэлэнт газруудаар аялсан байгалийн судалбар зургийн 8 уран бүтээлчийн ……….. гаруй өөр өөрийн арга барилаар бүтээсэн бүтээлүүдийг дэлгэх аж.
“Аялагч зураачдын клуб”-ын зорилго нь хүн-байгаль хоёрын шүтэлцээг биеэрээ мэдрэх, байгалийн адал явдалт, эрсдэлт аялал хийж, эх нутаг ард түмэн болон түүхээ гүнзгий мэдэрч уран бүтээлээ туурьвих бололцоог уран бүтээлч нартаа нээж өгөх юм.
Тус клубын гишүүнчлэл нь дүрслэх урлагийн чиглэлийн мэргэжлийн уран бүтээлч болон гадаад дотоодын хэнд ч нээлттэй юм.
Мөн бидний намрын судалбарын аялал энэ 9-р сард Тэрэлж голын сав нутагт зохиогдсон ба цаашид Монголын түүхтэй холбоотой гадаад дотоодын үзэсгэлэнт дурсгалт газруудаар аялал зохион байгуулахаар төлөвлөж байна.
Түүнчлэн аялал бүрт тайлан уран бүтээлийн үзэсгэлэнгүүд тогтмол гаргах бөгөөд олон улсын уран бүтээлчидтэй хамтран симпозиум зохиохоор төлөвлөж байна.
Үзэсгэлэнгийн нээлт 09 сарын 19-ны 18:00 цагт болно та бүхнийг хүрэлцэн ирэхийг урьж байна.
Уг үзэсгэлэн 2014 оны 9-р сарын 19-өөс 28-ныг дуустал “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 96426696, 88850812, 89806021 дугаарын утсаар лавлана уу.
www.URLAG.mn
