Хайрыг хайн тэнүүчилсээр залуу насаа үдэх
Хамаг л гомдлын шалтгаанд хагацсан хойно нь живэх
Хаа хамаагүй бусдад худал амлалт илгээх нь
Хайран залуу насны харамсалт агшин бусуу
Нэгээхэн ч дурлаж хайрлаагүй гэж мэлзэн худал түгдрэхгүй
Нээрэн сайхан санагдсан охинд унаж явсан ч
Нэг л зүгт чиглэх зүрхний цохилт бүхэнд
Нэмээд хэлэхэд залуу нас бас л хайран бус
Тунгалаг цэвэрхэн харцтай цагаахан охин байсансан
Туяхан зөөлхөн гартай энхрийхэн гүнжхэн байсансан
Тууж роман шиг захидлыг минь уншаад уярахдаа инээвхийлээд
Тунчиг өхөөрдам хоолойгоор хайртай гэж амалсансан
Сайхан дурсамж үлдээсэн танхилхан охин минь чи одоо
Сартай шөнийн болзоондоо ондоо нэгэнтэй зогсоо доо
Салж холдохгүй гэсээр тэвэрсэн үгсээ хэдийнээ мартаадаа
Санаж хааяахан үгүйлэхдээ зургийг минь нууцаар ширтээдээ
Дандаа хайдаг байсан сайхан үгсийг би чамд зориулж
Даруухан зандаа дийлдээд гуйлгаж үнсэхдээ улаадагсан
Далдуур муулж ч гомдоохгүй гэж дотроо үргэлжид бодлогшрон
Давхраатай хархан нүдийг зурагнаас чинь үнсэж инээдэгсэн
Үнэхээрийн үнэн хайрыг үргээж холдуулахгүй байхын тухайд
Үнэт эрдэнэ мэт охид минь та нараас би нь хүсэж байна
Үлдэж хоцорсон гэлээ ч гэгээн тэрхэн дурсамжаа
Үргэлжид үгүйлсээр шаналах зүрх байдагт итгээрэй
www.URLAG.mn
