Ретро поп урсгалаар Монголдоо анхдагч нь болж уран бүтээл туурвисан “HOT SPOT” хамтлагийн дуучин Н.Наранбаатар бие даан уран бүтээл хийж байгаа. Хамгийн сүүлд “Донжтой бүсгүй” хэмээн дуугаа сонсогчиддоо бэлэг барьсан билээ.
Тэгвэл бас нэгэн таатай мэдээ дуулгахад Наба маань олон улсын страдын дуулаачдын тэмцээнээс шилдэгийн шилдэг “Гран при” шагнал хүртсэн байна. Тэрбээр энэ талаараа өөрийн цахим хуудаснаа “Олон улсын страд дуулаачдын уралдаанд оролцох нь миний хувьд маш нэр төрийн хэрэг байлаа. Маш чадварлаг дуучид оролцлоо. Гран при авна гэж бодсонгүй ээ” хэмээн бичжээ. Чадварлаг залуу дуучиндаа урлагийн амжилт хүсэе.
эх сурвалж: undesten.mn
