"Боловсрол" суваг телевиз “Mongolia’s next top model” шоу нэвтрүүлгийг албан ёсны эрхтэйгээр амжилттай зохион байгуулж байгаа билээ.Тус нэвтрүүлэг долоо хоног бүрийн Бямба, Ням гаригуудад гардаг бөгөөд охидын өрсөлдөөн улам ширүүсч байгаа нь хэн түрүүлэх бол гэсэн хүлээлтийг үзэгчдийн дунд үүсгээд удаж буй.
Тэгвэл “Mongolia’s next top model”нэвтрүүлгийн өчигдрийн дугаарт үзэгчдээс өндөр үнэлгээ аваад байсан Б. Ану-үжин цахим хуудаснаа байр сууриа илэрхийлжээ. Тэрээр “Сайн байна уу ? Найзуудаа .. Юуны өмнө тэмцээний туршид намайг дэмжиж байсан та бүхэндээ үнэхээр их баярлалаа. Та бүхний минь дэмжлэг Би гэх тодотголтой хүнийг бий болгосон юм шүү. Маш олон олон зүйл сурлаа, маш олон зүйл ухаарлаа. Мөн мөрөөдлийн минь тэмцээнийг зохион байгуулсан EDU TV -ийн хамт олонд үнэхээр их баярлалаа. Миний ирээдүйд маш олон зүйлийг нээж өглөө. Би шантрахгүй ээ, улам хичээж, их зүйлийг бий болгоно гэсэн зорилго бий. Энэ бол миний хувьд бол ЭХЛЭЛ” гэжээ.
