1998 онд үзэгчдийн хүртээл болсон Мулан гэх хүүхэлдэйн киног Уолт Дисней кино компани хийж байжээ. Харин тус киног 19 жилийн дараа уран сайхны кино болгохоо Дисней ажиллаж байгаа аж. Энэхүү киноны гол дүр болох Муланы дүрд өрсөлдөх саналыг Дисней кино компани мисс А. Баярцэцэгт тавьжээ.
Тэр том агентлагийн хараанд өртөж, шалгаруулалтад оролцох урилга авна гэдэг бол ховор завшаан. Тиймээс А. Баярцэцэг дэлхийн миссийн тэмцээн дуусаад тэдний урилгын дагуу ярилцлагад орсон аж. Олон шалгуурын дараа гол дүрийн жүжигчинг сонгох учраас цаг хугацаа шаардлагатай байх хэмээн саяхны нэгэн ярилцлагандаа ингэж хэлсэн бүсгүй маань цаашид жүжигчний мэргэжилдээ илүү анхаарч, цаг зав гаргаж ажиллах бодолтой байгаа гэнэ.
