Үдшийн тэнгэрт саран мандуулаад
Өлгийтэй үр минь ижий дээ ирлээ
Өрөвгөр даахины үнэр сэнгэнээд
Уужим сэтгэл бөмбөрөөд ирлээ
Дахилт:
аа аа аа үр минь дээ
аа аа аа ангир үр минь дээ
Бодлын тэнгэрт наран наадуулаад
Бойтогтой үр минь аавдаа ирлээ
Босож суухын завсарт тоглоод
Борхон зүрхийг хөглөөд ирлээ
Дахилт:
аа аа аа үр минь дээ
аа аа аа ангир үр минь дээ
Цагаан өвлийн жаврыг сөргөөд
Дэгдээхэй үр минь дэлхийдээ ирлээ
Дэгэж дэрвэж өвөрт минь тэмүүлээд
Дээдийн жаргалыг бидэндээ өгөх юм аа
Дахилт:
аа аа аа үр минь дээ
аа аа аа ангир үр минь дээ
